شورا عليا,,روضه منارات الرياض أو روضه رياض نجد لولدي

السلام عليكم و رحمه الله و بركاته...........

أبني الله يحفظه عمره سنتين و عشره شهور يعنى على وقت الدراسه حيكون ثلاثه سنين و شهرو نص :)

محتاره أدخله أيه روضه لآنى أولا طالبه صح بأدرس بالبيت بس صعبه لما يصحي أكيد و كمان أحسه يطفش عشان لحاله رغم أني جايبه ألعاب تربويه و ألوان و قصص و نشككل بالصلصال بس أحسه يمل والله عشان كده فكرت أدخله الروضه أو زى ما يقولوا كي جي 1 .

رياض نجد قريبه مننا بس سمعت و شفت كثير في النت يشتكوا أنهم شديدين علي الآطفال

أما منارات الرياض كلمتهم اليوم يقولوا قسم الانجليزي مليان و حطونا على الآنتظار و بكره أبغ أروح أشوف الروضه و أسجله بالقسم العربي على أمل أنه أذا لقينا مجال بلانجليزى أحد سحب أو شى نلاقى فرصه

ساعدونى يا بنات من جد من جد محتاره أبغ له مكان كويس و ما أبغ كل شويه أنقله من مدرسه لمدرسه تانيه

بالنسبه للمدرستين روضه و أبتدائى أيه أحسن؟بالنسبه للابتدائى أيه أفضل؟كيف قسم الأنجليزي عندهم؟ على نظام المنتسوري أو عادي؟ و كيف الآهنمام بمواد الدين و اللغه العربيه؟ أنا أن شاء الله ناويه أدخله تحفيظ المسجد جنبنا بعد سنه بس برضه مهم توجه المدرسه؟و كيف المستوي الرفيع؟و كيف نوعيه الآداره في المدرستين متسيبه أو متشددين؟


يالله ساعدونى فى حيرتي الله يوفقكم و أولادكم يا رب