مره وحنا طالعين نتعشى برا.... زوجي طلب شوربة إيطالية اسمها (Minestrone) ويقول هذي احلى شوربة إيطالية... ففكرت اني احاول اسوي مثلها... وطلعت كم طريقة لها من الانترنت... مع الإضافات اللي احبها.. وسويت الشوربة ... والحمدلله عجبت زوجي :)
هذي الشوربة
وهذي مقاديرها وطريقتها.... لو ما حبيتي تذوقينها بالمطاعم الايطالية :)
المقادير.. (المقادير تكفي لشخصين)
2 طماطم مقشرة و مفرومة
بصلة مفرومه
1 ثوم مهروس
ربع كوب ماء
ماجي او مرقة دجاج
فاصوليا حمراء/ لوبياء/ حمص / فاصوليا خضراء / سبانخ مفرومه ..(الجميع ناضجين ومستويين زين.. ممكن تشيلين البقول اللي ما تحبيها ) :)
مشروم شرائح
نص عود كرفس مقطع شرائح (إختياري)
كوسى شرائح او مكعبات
جزر مكعبات صغيره
فلفل احمر (حسب الرغبة)
للتبهير : بصل وثوم مفرومين.. ومحموسين بقطعة زبدة الا ان يحمرون... ويضاف إليهم ريحان ، اوريغانو، كزبرة ، فلفل اسود.
الطريقة ..
يسخن القليل من الزيت في القدر ثم يضاف البصل والثوم .. ثم الطماطم والماء والماجي... بعد دقيقه تضاف البقول ... ثم تضاف الكوسى والجزر والفلفل والسبانخ والكرفس ... يغطى القدر ويترك على نار هادئه مع التقليب بين كل فترة ...
بعد نص ساعه ... تضاف الحمسة اللي فيها البهار.. ويترك 5 دقائق على النار ثم تقدم..
لا تنسين تعصرين عليها الليمون.... وبالهناء والعافيه