المقادير (بس انا اطبخها بدون التقيد بمقادير):
3 بصلات كبار
2 كوب مرق
نصف كوب حليب
للتقديم:
خبز او توست محمص
جبنة شيدر او موتزاريلا او برمزان
نقطع البصل قطع صغيرة الي متوسطة و نشوحهم في معلقتين زبده علي نار هادئه حتي يدبل بس مش يتحرق و يفضل لونه اصفر علي ابيض كده
نرش معلقتين دقيق علي البصل و نقلب جيدا
ثم نضيف الشوربة او المرق علي البصل و الدقيق و نقلب كويس جداااا
ثم ناخد الخليط ونضربه في الخلاط مع اضافة اللبن الحليب(لبن عادي مش رايب) ونرجع الخليط مرة اخري علي نار هادئه مع اضافة رشة ملح وفلفل اسود نتركها دقائق هنلاقيها تخنت معانا شويه صغيرين مش زي شوربه الكريمه
وعند التقديم نضيف التوست المحمص المقطع شرائح صغيرة مع رشة الجبن ويدخل الميكروييف ثوان فقط لتذوب الجبن
بس للاسف اليوم ماكان عندي جبن بس برضو مذاقها شهي ومميز جدا
وبالهنا والشفاء علي قلوبكم