شوربة الشوفان الحمرا ،، لذيذة جدا حياكم

سلام عليكم كيف الحال عشاكم بخير

امس سويت شوربة شوفان لا يعلى عليها (( ممكن اضافة اللحم للشوربة وتحطينه في البداية ))

المقادير موية نص الجدر المتوسط ( لترين ونص تقريبا)
وكوب ونص شوفان كويكر << انتي كيف تحبيها غليظة كثري واذا خفيفة قللي يعني ما فرقت:35:
( كوب مو كاس)
تغلينهم

حطي بخلاط ( 2 طماطم كبار + 3 بصل كبار + 3 فص ثوم )
بعد الخلط حطيهم في الجدر واتركيه يغلي

اخر شي
2 ملعقة كبار صلصة الطماطم
2 ملعقة كبيرة خل
4 مكعبات ماجي( كرتونتين)
نص ملعقة صغيرة فلفل اسود
ملعقة صغيرة كمون مطحون
2 ملعقة كبيرة كاري ( البهارات الهندية اللي تجي فعلبة خضرا )
نص ملعقة صغيرة ملح ( شوي بس )


بس اتركيهم يغلون لين تحصلين على الشوربة المطلوبة

(( سر الشوربة في الطماطم والبصل والثوم كل ما كانو اكثر كل ما كان الذ ))


بالعافية