مبارك عليكم وعلينا الشهر
الله يجعلنا وياكم من صوامه وقوامه العام وكل عام آآآآآآآممممميييينننننن
امس كانت عند يحماتي وصايمه نص الشهر مثل الكثيرين الله يتقبل منهم جميعا00 وكان من ضمن
الفطور بف ونزلته على هذا الرابط
http://forum.hawaaworld.com/showthread.php?t=1365334
وصراحه دايخه من النوم بس ما هان علي انوم قبل ما انزل الشوربه اعرف اغلبكم جالس يدور على
اصناف جديده عشان يطبقها في رمضان ,,المهم هذه المقادير والطريقه مع بعض
اول شي راح نحتاج بصل نحمسه مع زيت او سمن على راحتك
بعدين نضيف قطع اللحم والافضل يكون مقطع صغار ونتركهم مع بعض لين يطلع اللحم
مويته ونضيف كوره البزار (الحديد )ونحط فيها بهارات الشوربه (متوفره عند العطار مخلطه وجاهزه)
بعدين حطي الحب الكامل الخاص بالشوربه <<انا عن نفسي افضل الحب الامريكي لونه ابيض وسريع الذوبان>>
ثم حطي الماء حسب الحاجه <<تقريبا الكاس الصغير من الحب تكفي 4-6 اشخاص>>
واذا تحبين ممكن تضيفين فلفل حار وملح وقفلي الغطاء زين (انا اطبخها في قدر الضغط)
على العين الصغيره والنار هادئه جدا وخليها تقريبا 3-4 ساعات واذا فتحتي القدر راح تكون هذا شكلها
الباقي اختياري >> يعني ممكن تضيفين عليها طماط وصلصه او لبن او حليب على حسب ذوقك
انا طبعا اضفت مقدار 3 فنجان حليب بودره وقلبتهم مع شويه ماء واضفتهم على الشوربة
وخليتها تطبخ شوي تقريبا نصف ساعه كمان على نار هادئه والعين الصغيره
الغرض من النار بهذه الطريقه عشان ما يلزق الحب في القاع ويحترق
وبعد الانتهاء منها بيكون هذا شكلها
اتمنى تجربونها وتعطوني رايكم واي اسئله او استفسارات انا في الخدمه
الله بجزاك خيررررررررر