من فترة سويت هالشوربة بصراحة لذيذة و ابد ما تاخذ وقت وقلت اوريكم اياها الكمية اللي سويتها تكفي ل 3 إلى 4 أشخاص يلا بسم الله
المقادير :
حبة بصلة مفرومة ( أنا ابشرها بمبشرة الجبن )
حبة طماطم مبشورة
حبة خيار مبشورة
حبة ماجي
ملح وفلفل اسود
لسان العصفور وعدس برتقالي ننقعهم في ماي تقريبا عشر دقايق
بقدونس
2-3 ملعقة من الشوفان
أول شي نحمس البصل المبشور في شوية زيت زيتون مع زيت دوار الشمس أو اي شي تحبينه
لما يصير البصل أشقر نضيف عليه حبة طماطم مبشورة
نترك البصل مع الطماطم لثواني وبعدين نضيف عليه حبة خيار مبشورة
نخلط ونضيف عليهم حبة ماجي و فلفل اسود و رشة ملح خفيفة
نضيف لسان العصفور والعدس وشوية ماي
نخلط وبعدها نضيف ذرة معلبة و كمية من البقدونس ممكن فريش أو مجمد حسب المتوفر
نخلطه ونخليه على النار لجقايق وبعدين نضيف كمية من الماء تقريبا 4-6 أكواب ويختلف حسب كمية المقادير
نغطي الجدر بس مو كامل لا مثل الصورة ونتركه لحد ما يتسوي لسان العصفور نص سوا بس
هنا شكل لسان العصفور بعد ما استوى نص سوا
نضيف ملعقتين من الشوفان ممكن تزيدي على حسب القوام اللي تبينه للشوربة لان الشوفان هو اللي راح يعطي الشوربة القوام الغليظ .. اتركه يطبخ لحد ما يستوي لسان العصفور و تاخذ الشوربة القوام المناسب
للاسف ما صورت الشوربة وقت التقديم
بكذا نكون خلصنا .. اتمنى انكم تجربوها وتعطوني رايكم
