شوربة سريعة ولذيذة

السلام عليكم ورحمة الله وبركاته

خواتي

مسك وريحان جابت لكم شوربة بس شوربة شنو مدري نقول الخضار :27:
حبايبي مثل ما تعرفون واعيد وازيد انا احب السهل ولا في احلا من السهل وامووووووووت في السهل وادري كلامي كثير ويالله ندخل بالموضوع

عندي كم شوربة لذيذة وسهله ولا تحتاج شيء المطلوب

1 بطاطه كبيرة
1 كوسة كبيرة
2 جزر كبيرة ..... ينفع حبه واحده كبيرة بس الجزر يخلي طمع ولون للشوربة
راس بصل
3 فصوص ثوم
مكعب ماجي
قطعي كل المكونات قطع كبيرة وحطية بجدر على النار مع مكعب ماجي وماء علشان نطبخ الخضار بس لا تكثرين من الماء يدوب كمية تكفي لطبخها
بعد ما ينضج اتركيه ليما يبرد وحطيه بالخلاط مع 2 كوب حليب طازج + 3 ملاعق طحين

في جدر ثاني يكون مقطعه قطع دجاج الى مكعبات صغيرة (( يكفي صدر دجاجه )) واحمسية على النار مع قليل من الزيت حوالي ملعقة كفاية بعدها ضعي عليه قليل من الماء علشان ينضج بعد ما ينضج حطي عليه الخليط وخليه على النار واذا حسيتي ان الشوربة ثخينه زيدي من الماء وانتي حددي الثخانه اليه يبينها .

والطريقة الثانية
بدال ما تحطين الدجاج اعملي شوربة ماجي المعروفة وبعد ما تستوي حطى الخليط فوقها راح تكون ايضا لذيذة وخفيفة اليه بالدجاج شوي بتكون دسمه
وبالهناء والعافية