حبيت انزل لكم هذا الموضوع قبل رمضان الله يبلغنا اياه وياكم ويعينا على صيامه وقيامه اللهم آمين
نبدا بالشوربه وهي ماشاء الله صحيه ومغذيه ولذيذه في نفس الوقت
بشرح لكم المقادير مع الطريقه والصور توضح إن شاء الله
تحمسين بصله مفرومه +صدر دجاج مسلوق ويكون مسحب او تقطعينه بالسكين قطع صغيره
وفصين ثوم مهروس كلهم تحمسينهم بملعقه زبده وملعقه زيت زيتون
حمسيهم حيل بعدين ضيفي مكعبين ماجي وفلفل اسود ناعم اشوي
بعدين تضيفين 3شدات او ربطات سلق تكونين مقطعتهم وغاسلتهم زين من التراب وتفرمينهم فرم ناعم وتكونين مجهزه بعد شدتين اوربطتين كزبره خضره ومقطعتها وغاسلتها وفارمتها فرم نااااااعم
الحين ضيفيهم على البصل والدجاج المحموس (طبعا كل الخضار والبصل وكل اغراضج تجهزينهم قبل الشغل اسهل ) حمسيهم حيل لما تذبل الخضار وتحسين انها شربت الماء او قل الماء النازل من الخضار
الحين ضيفي قرن فلفل حار مفروم طبعا حسب الرغبه وظيفي 7 اكواب ماء يفضل مغلي اسرع للشغل
جهزي في زبديه اوباديه على جنب 3 اكواب ماء عادي موحار يكون من الفلتر وذوبي فيه7 ملاعق كبيره كويكر او شوفان هذه الخطوه تسهل عليج خلط الكوكر مع الشوربه بدون لايتكتل
انا بهذه الخطوه حطيت الماء من الفلتر وبعدين ظفت عليه الكويكر مباشره لان الماء كان مومغلي لكن في حال انج تحطين ماء مغلي ي فظل انج تتبعين الخطوات الي فوق
المهم مجموع الماء يطلع عندج 10 اكواب او حسب الكثافه الي انتي تبين
خليها تطبخ على نار هاديه وقلبي بين فتره وفتره عشان ماتلزق بالقدر
بعدين ضيفي عليها عصير ليمونه وظبطي الملح لاتخلينها تطبخ اكثر من نص ساعه
لانها اصلا تقريبا ناضجه بس الشوفان يتجانس معاهم
وقدميها بالعافيه مع اليمون ياسلام فضيييييييييعه وصحيه وسهله يعني 3 في واحد:)
والحين ابي اقولكم عن كور لينا :)
هذه سلمكم الله خدامة امي اسمها لينا وقبل لا تروح طلعت ابداعه في الطبخ فكتبنا الطرقه وسميناها كور بشمل لينا هههههههه:42:ها عرفتو سر التسميه
المهم تجيبين قدر وتحطين فيه كوبين ماء و3ملاعق متروسه حليب بودره و3 ملاعق متروسه طحين ابيض وملعقه كبيره نشا وتضيفين مكعب ماجي وفلفل اسود والملح حسب الرغبه الي يبي يضيف تخلطينهم بالخباطه او السلك مال الخفق وتحركين السلك والقدر على النار لما يثقل الخليط كأنج تسوين باشميل
تركيه على جنب يبرد وجهزي الخضار
في مقلاة حمسي بصل حتى يذبل وضيفي له كوب صغير من الخضار الجاهز المجمد بس يكون مسلوق اشوي احسن واطرى وبصل اخضر مفروم
ضيفيه على البصل وحمسي واشوي ذره وممكن تضيفين قطع صدور دجاج مفرووووم مكعبات صغيره ويحمس مع الخضار والشوي فلفل اسود ورشه ملح
خلطي الخضار مع الباشميل وبردي الخلطه تماما قبل الشغل
بعدين ضيفي جبن شدر نص كوب او مزرولا بس يفضل يكون الخليط باااااااااااااارد
وهذه صورة الخليط:icon28:
يتبع باشميل لينا
غمسي كل قرص بالبيض وممكن تضيفي كزبره مفرومه خضره مع البيض
بعدين غمسي بالبقصمات
وممكن تفرزيها في صينيه مفرشه بكيس نايلون بعدين تفرغينها بكيس بعد ماتجمد الاقراص
انا ماجمدتها بس بردتها بالفريزر وبعدين قليتها بس الاحسن تكون جامده اشوي
واقليها في زيت حامي وغزير على نار واطيه ومن الفضل تجميدها قبل القلي احسن عشان ماتتفكك معاج
وشوفوها اشلون مقرمشه ولذيذه
وشوفو اشلون من داخل وااااااااااااااو تبارك الرحمن
وبس موفقين وانتظر تطبيقاتكم وحياكم الله