احيانا تقومي الصبح تلاقي الجو غيم وبرد تقولي اليوم شكله عاوز
شربة عدس ههههههههههههه :42:
علشان كدة لكم عندي شوربة عدس بس بطريقتي وربنا موفقني فيها ومعتمدة عندي من زمان
هي شربة عدس بالشعرية مع القرع --
المقادير:
- حوالي كوب كبير ونصف عدس مغسول كويس ومنقوع
- حوالي 4 اكواب من المرق المبهر والمصفي وفيه مكعب مرقة دجاج
ولو احتجتى اكثر بتضيفي طبعا
- نصف علبة ضلضة
- كوب قرع مكعبات ( ممكن جزر حسب رغبتك )
- حوالي 4 معالق شعرية ( ممكن لسان عصفور او اى مكرونة صغيرة )
المهم ما تكثري علشان ما تثقل
- بصلة صغيرة مقطعة صغير
- بهاربات ( فلفل اسود – كمون – كزبرة ناعمة – بهارات مشكلة )
الطريقة
نغسل العدس كويس جدا لغاية لما تصبح المية صافية وننقعة شوية حوالي ربع ساعة
نضع المرق على النار يغلي ثم نضيف البصلة المفرومة ( وهي ده سر طعامة الشوربة ان تكون البصلة نية في الشوربة )
نضيف القرع ونتركه يغلي حوالي 3 دقائق
وبعدين نضيف الصلصة ونتركها تغلي لغاية لما تمتزج مع الشوربة
وبعدين نضيف العدس ونبهر مرة تانية ونشوف الملح ونظبط الطعم
على ما يستوي العدس شوي
نحمر الشعرية في شوية زيت في طاسة على النار
وبعد ما تتحمر نضيفها على شوربة العدس سريعا كأنك تضعي الثوم على الملوخية
تسبيها شوية لما تستوي الشعرية
وفي الاخر نغرفها في الطبق ونضيف عليها شرائح بصل اخضر
بتكون خطيرة بالبصل للشكل والطعم وبتكون روووعة في شتاء بارد
للعلم في العادة بتتزين بشراح البصل المحمرة
بتكون خطيييييييييرة بس ثقيلة شوي علشان كدة فضلت البصل الاخضر
وبالعافية على قلوبكم :26:
