السلام عليكم
هذي شوربة الدجاج بالكريمة المعتمدة عندي
سويتها اليوم على الغدا .. و الطعم عجييييييييب
أخلي الحكم لكم اذا جربتوها ان شاء الله
و هذي الصور
IMG_2718
IMG_2719
IMG_2720
بعطيكم المقادير الاساسية لها .. و اترك لكم خيار الاضافات الثانية
نص كوب دجاج مسلوق و مفتت
2 ملعقة صغيرة ثوم مهروس
2 ملعقة كبيرة زبدة سايحة
2 ملعقة كبيرة طحين
1 مكعب ماجي
2 كوب ماء حار
2 ملعقة كبيرة كريمة أو روب
ربع ملعقة صغيرة فلفل
ملح
الطريقة:
- يحمر الثوم بالزبدة مع مراعاة عدم تغير لون الثوم، ثم يضاف مكعب الماجي ثم يضاف الدجاج و يقلب جيدا (انا اضفت قطع دجاج صغيره جدا غير مسلوقة و شوحتها مع الثوم و الزبدة و حطيت نتفة زيت علشان ما تحترق الزبدة الى ان نضج الدجاج, راح ينضج بسرعه ماله روح).
- توضع ملعقة طحين على الخليط و تقلب جيدا، ثم نضيف الماء الحار و تتبل بالملح و الفلفل و تترك على نار هادئه الى ان يثخن قوامها
- اخر شي نضع الكريمة او الروب و يقلب بحركة دائرية سريعه و نتركها على النار 3 دقائق ثانية، ثم تقدم.
(( هذا هو اساس الشوربة لكن ممكن تحطين معاها اضافات، انا اليوم حطيت معاها معكرونية لسان العصفور .. تقريبا كمشة صغيرة، و خليتها تغلي معاها، تقدرون تضيفون معاها خضراوات سواء فطر أو ذرة أو جزر مبشور أو كلهم مع بعض حسب الذوق، و ذلك يكون عند الحمس .. يعني تحمسين الدجاج مع الزبدة و الثوم و لما ينضج تضيقين الخضرة اللي تبينها لما تذبل بعدين تضيفين الماء الحار و تكملين الخطوات عادي))
و بالعافية على قلوبكم :26:
((ملاحظة: مواضيعي حلاااال زلاااال للي يبي ينقلها، مابي غير دعوة صادقة بظهر الغيب لي و لعيالي بالتوفيق و الصلاح))
^SwEeTa^ @sweeta_1
محررة
يلزم عليك تسجيل الدخول أولًا لكتابة تعليق.
حرم موودي
•
تسلمين ياقمر تشهي
الصفحة الأخيرة