شوربة كويكر

أهلا عزيزتي.....:27:
أي شوربة كويكر تقصدين؟؟؟؟ بالطماطم أو بالخضار..أو بالحليب؟؟؟؟؟ هالـ 3 أنواع اللي أنا أعرفهم فقط فإذا كان اللي تقصدينه من بينهم ....أشري عليه وأحطلك الطريقة
وتحيااااااتي
وحوووووحة:27:

واحة امل.. لا تبخلين علينا بالطرق الثلاث......... ادري اني طماعة بس احب اخذ فكرة عن الثلاث انواع من الشوربة اللي ذكرتيها بالطماطم ... بالخضروات وبالحليب :17: ... بانتظارج عزيزتي

ابغي طريقة شوربة الطماطم

السلام عليكم جميعا يا حلواااااااااااات...
عزيزتي فلورا وUMBESHAER.... من عيوني
شوربة الطماطم بالكويكر:
4 حبات طماطم
5 م ط مملوءة كويكر
4 كوب ماء (ممكن تزيدين أو تنقصين على حسب ما يعجبك غلظ الشوربة)
ملح وفلفل
&في الخلاط الطماطم +شوية ماء تخلطينهم وتصفينهم في قدر وتضيفين بقية المقادير وتخلينهم على النار ليما تغلي الشوربة وعلى طول تقصرين على النار وتتركين الشوربة على نار هادية(وتغطين القدر) مدة نصف ساعة أو أكثر وقبل ما تقدمينها تعصرين عليها ليمونة.....وممكن تضيفين شوية كزبرة خضراء إذا كنت تحبين أو بقدونس أو شبت

شوربة الخضار بالكويكر:
فاصوليا-جزر-فليفلة-بطاطا.....اللي يكون موجود
6 م ط مملوءة كويكر
4-5 أكوب مرقة دجاج أو ماء
& تقطعين الخضار ناعم أو تبشرينهم وتضيفين الباقي وتخلينهم على نار متوسطة ليما تنضج الخضار بالأخير تضيفين شبت وبقدونس أو شبت وكزبرة خضراء وتحركين الشوربة شوي وتشيلينها من على النار

شوربة الحليب بالكويكر(يسمونها البوريج)
3 فنجان كويكر
2/1 2 فنجان سكر
2/1 4 كوب ماء
1 رينبو أو 1 كوب حليب طازج(إذا استعملت الحليب الطازج قللي كمية الماء إلى 4 أكواب)
& الكويكر+السكر+الماء على النار لمدة 10 دقائق وبعدين تضيفين الحليب وتحركين الشوربة لمدة 35 دقيقة وتصبين الشوربة في صحون صغار (مثل اللي نستعملهم للمهلبية) ..........وبالعافية :21:

وهذي الشوربة هدية مع العدد..<<<< خخخخخخخ
شوربة الهريس:
2/1 كوب هريس مغسول ومنقوع في الماء
2 م ط صلصة طماطم
مرقة لحم أو دجاج
1 م ص كمون
لحم مفتت أو دجاج مفتت
ملح وفلفل
كزبرة خضراء أو شبت
1 ليمون أسود
& الهريس +الصلصة+المرقة+الدجاج أو اللحم+الكمون والملح والفلفل +الليمون في قدر الضغط لمدة 30-40 دقيقة ....وبعدين تفتحين القدر وتضيفين الكزبرة أو الشبت وتخلطينهم وتقدم .........وبالعافية

:26: :26: