عندي لكم شوربة لذيذة جدا
وممكن تتحكم في حموضتها على حسب رغبتك
وسميتها باسمي لأن المخترع الرئيس لها
يعني مستحيل واتحداكم تجيبو هذي الوصفة من أحد ثاني
فرحانه في نفسي 
مخترعت طبخات بعد
وصدقوني لما تجربونها هاتشوفو أنها الذ شوربة ذقتوها في حياتكم خصوصا اللي يحبو الحامض أقدر اسميها بعد شوربة الحوامل هههههههه لحموضتها وياقلبي عليهم يموتو في الحامض مع الوحم
وسهلة جدا وماتأخذ وقت في التحضير
وقبل أبدأ بالمقادير لاتنسوني من التقييم احم احم
بسم الله
المقادير
1بصل مقطع صغير وفص ثومة
ملعقة زبدة او سمنة او ويت والزبدة أفضل
4 أكواب ماء مغلي
ملعقة صغيرة بهارات مشكل
1 مكعب ماجي
شوية جزر مبشور وفلفل رومي مقطع صغير
وحسب الرغبة
ربع كوب لبن مخلوط مع ماء حار عشان مايتخثر
ظرف شوربة ماجي (خضار الربيع)
ملعقة او ملعقين كريمة الخفق حسب الرغبة ومو أساسي
شوية كزبرة وبقدونس
الطريقة
نحمس البصل والثوم والجزر والفلفل الرومي بالزبدة
ثم نضيف الماء المغلي ومكعب الماجي وظرف خضار الربيع
وملعقة البهارات
ونخليها على نار هادئة ربع ساعة
ثم نضيف كوب اللبن المخلوط بالماء الحار وملعقة الكريمة ونحرك بسرعة وبعد كذا نضيف
الكزبرة والبقدونس وتخليها دقيقتين على النار
ونقدمها وياسلاااااااااااااام مع عصرة ليمونه
يالله لاتنسوني من الدعاء
وابغى اشوف تطبيقات للشوربة
