شوربه المشروم
السلام عليكم ورحمة الله وبركاته
اليوم حبايبي سويت شوربة مشروم صج بدعت فيها شوي بس الحمدلله اطلعت اوكي المقادير كانت بالبركة بس راح احط لكم مقادير تقريبيه وعلى فكره سويتها على السريع دايما اكون مستعجله لقافه بس ما اخذت مني الطريقه الا نص ساعه تقريبا مو اكثر
بسم الله نبتدي
المقادير
علبتين مشروم
بصله واحده مقطعه شرائح ( منجلي)
3 فصوص ثوم مهروسين
من 3 الى 4 اكواب مرقه دجاج ( ممكن الاستعانه بالماء ومذوبه فيها مكعبين ماجي)
ملعقتين طعام طحين
1 كوب حليب
الطريقة :
افرمي المشروم شوي خليه قطع صغيره
احمسي الثوم مع البصل ليما يذبل شوي ضيفي المشروم وضيفي له شوي ملح وفلفل اسود وكركم
واتركيه حوالي 10 دقائق طبعا خلال العشر دقائق تقلبينه بالملعقه.
يكون انتي طبعا تاركه شوربه الدجاج على النار واخذي شوي من الشوربه حوالي كوب وضعيه بالخلاط طبعا تكون الشوربه بارد علشان نحطه بالخلاط وضعي ثلاث ارباع كميه المشروم مع الحليب والطحين واخلطيه اذا حسيتي انه ثقيل بالخلاط ضيفي شوي ماء المهم يخلط معك
بعدها ضعيه على شوربه الدجاج وضعي الربع الباقي من حميسه المشروم على الشوربه واتركيه على النار شوي على نار هادئه ولو حبيتي تتبلينها بالفلفل الاسود يكون احلا واحلا
وبالعافية
لا تنسون اذا اطلعت ثقيله وانشاءالله ما تطلع ضيفو الماء
5
1K
يلزم عليك تسجيل الدخول أولًا لكتابة تعليق.
من زماااااااااااان و انا ادورها تسلم ايديكمن زماااااااااااان و انا ادورها تسلم ايديك
كل عام وأنت بخير وتسلمين على هالشوربه السريعه والحلوه وإن شاء الله أجربها
والله يعطيج الصحة والعافية
والله يعطيج الصحة والعافية
hot cotor
وايدك يالغاليه وانشاءالله راح تعجبك
*
*
*
اشلاء مبعثرة
وانتي بخير وصحة وسلامه
والله يعافيك وباذن الله راح تعجبك
وايدك يالغاليه وانشاءالله راح تعجبك
*
*
*
اشلاء مبعثرة
وانتي بخير وصحة وسلامه
والله يعافيك وباذن الله راح تعجبك
الصفحة الأخيرة
تسلم ايديك