اليوم حبيت اشارك بشوربه لذيذه وكل الي يذوقها يعشقها واتمنى تنال اعجابكم
المقادير
طحين الكويت
حليب بودره
بصل
فطر
ذره
ماجي
ربيان
شويه بهار
شويه ثوم
الطريقه
هذا الربيان بس قليل تعرفون ليش لانه عمتي تبي تشرب شوربه وهي ماتحب الربيان فقللت عشانها وحطيته كله بس يكون لي
1- ناخذ 4ملاعق طحين و6ملاعق حليب ونخلطهم بماء بارد
2- نحمس بصل والثوم مع ماجي وشويه بهار مع زيت قليل
3- بعد مانحمس البصل والثوم نوضع عليه الربيان
4- نضع عليه الصلصه البيضاء الي هي( الطحين والحليب)ونحركها مش بالمعلقه الي نخلط فيهاالصلصه البشاميل
لاتضحكون ما اعرف اسمها حتى لاتخترب ويصير فيها قطع
5- بعدها راح تكثف الصلصه يعني تثقل بنزيدها ماء مغلي الما تصير كثافتها زي الشوربه بس تكون اثقل بشوي لاتخلونها ماي
6- الحين وهي على النار وبدت تستوي خلاص نضيف الفطر والذره طبعا الفطر كان مخلص بس انتواحطوه وحطيت ذره بس
هذي صورته واتمنى تعجبكم وصدقوني لذيذه بتحبونها زيي اتمنى تجربونها وتحطون الردود واتمنى شرحي وافي
واعذروني اول مره اكتب بهالقسم واتمنى تشجعوني
ترى اهلي انقدوني يقولون فشلتينا الي بينزل بمنتدى يحط بصحون سنعه عاد انا على طبيعتي حتى الباديه الي دايما
اشرب فيها صورتها :cook::cook:طباخه اخر زمن
بس ابي منكم تدعون لي انه يسخر لي زوجي ويرزقني بالذريه الصالحه :)