بما انو رماضان قرب
سويت سمبوسه وشربه اللي طبعا السفره ماتتخلا عنو يوم واحد في رمضان وحبيت اوريكم طريقتي فيه
يلا نبداء:)
اول شي حانبداء في السمبوسه
العجينه عباره عن
دقيق وبيضه وشويه ملح ومويه بس
نعجنهم تمام التمام ونحط العجينه في كس عشان ماينشف
دحين نيجي للحشوه واللي هيا لحم مفروم وبصل وبهارات وبقدونس وبيضه مسلوقه
هنا حطينا البصل واللحم المفروم والبهارات
وبعد اللحم ماستوى حطينا البيضه المسلوقه والبقدونس
مممم وهنا بعد ماقلبنا ريحتو تجووع ممممممم
دحين نبداء في حشو السمبوسه
فردت العجينه وحطيتها في قالب انا احب استعمل قالب السمبوسه لانو يخليه مرتب وحجمو متساوي
شوفو شكلو كيف بعد ماخلصت الحشو
بعدين نحمي الزيت ونبداء في القلي شوفو كيف سارت شكلها جمييييييييييييييييل
كل وحده تاخد حبه ههههههههههههه
لحد يرد راجعه
اللي هوا عباره عن لحم اوصال مسلوق وجاهز ولا ترمي مرقه اللحمه وشربه الحب وطماطم وثوم وبهارات
هنا لمن قطعت اللحم اوصال حطيتو فقدر الضغط وضغطو تقريبا نص ساعه
وهنا غسلت الحب وصفيتو
دحين نيجي للاساس
نحط في الخلاص طماطم وبهارات وثوم ونفرمها
بعدين نحط الحب في مرقه اللحم بعد ماستوى ونحط البهارات الشربه شوفوها ماما اللي سوتلي هيا الله يعطيها العافيه ان شاء اللهاحط موضوع عنها ايش هيا البهارات وكيف الطريقه
وبعدين نحط الطماطم اللي فرمنها واذا حسيتي انو لونها فاتح بزياده حطي شويه صلصه
وهنا بعد ماستوت
ممم ريحتها تهوس
وان شاء الله يعجبكم طعمها وبالعافيه