شوركم اكوي قرحتي ؟

السلام عليكم و رحمة الله و بركاته
ببدا في الموضوع على طول
اعاني من الم شديد في العلاقة و ينزل مني دم بعد ما انتهي من العلاقة
كشفت علي الدكتورة و قالت فيك قرحة كبيرة و غريب شكله فصرفت لي كريم افوسين احطه اسبوع كامل و لما رجعت قالت ما زال و عطتني الكريم نفسه و حبوب اكلها لمدة ٣ ايام ( ما يحضرني اسمه الان )
و خفت القرحة لكن ما زالت موجودة و ما زالت الاعراض موجودة


و رجعت لدكتورة للمره الثالثة قالت ان قرحتك ما زالت و ان حجمها متوسط و هي اللي تسبب لك نزيف و الالم و صرفت لي كريم افوسين للمره الثالثة ( لكن ما استخدمته خفت من تكراره )
و قالت دكتورتي :( مالها الا الكوي مع ان الاطباء ما ينصحون فيها )


للمعلومية :
انا لم احمل من قبل هل عادي اسوي كوي ؟ و اذا عادي ايش نوع الكوي الافضل لحالتي ؟ ومن افضل دكتورة بالرياض او القصيم تسويه ؟
و ايش تنصحوني هل ااجل الحمل لحد ما اعالج من القرحة ؟ و هل القرحة تؤذي الحامل و الجنين ؟
معليش تعبتكم معي لكن دكتورتي شتتني كلامه كيف تقول ما ينصحون فيها الاطباء و تقولي ما لها الا الكي ؟
ياليت اي احد عنده معلومة او تجربة يسرده هنا الله يجزاكم خير و ايش نوع الكوي اللي استخدمته و هل لم يسبق لهل الحمل يوم تسوي الكوي و سوت و حملت و تم الحمل ؟ ( سمعت انه ما يصلح للي ما سبق لها الحمل ! )


الله يسعدكم و يريح بالكم و يحقق امانيكم