شوركم وهداية الله

سلام كيفكم صبايا
فديتكم ابي شوركم وش تنصحوني فيه اليوم عندي اختبار المساء وزوجي كمان عنده اختبار فاضطر اطلع مع اخوه وزوجه اخوه الجامعه ولكن بالرجعه بالعاده زوجي يرجعني وهذا الكلام لماتكون امه مسافرة ولكن رجعت وقالت له لا تطلع تجيبها من الجامعه خل اخوك يجيبها فهو يعرفني مااحب اركب مع غيرة الا للضرورة فمضطرة اركب مع اخوة اليوم بالروحه بس بالرجعه ابيه هو يرجعني بس مرة رافض يقول لا ارجعي مع اخوي وش اساوي طفشت من تدخلات امه وهو شخصيته بسرعه يتأثر بامه في كل امورنا ومايخبي عنها شي حتى المسجات يقراها لها لدرجه انو صرت لا ارسلت له شي اول مايرجع البيت اخذ جواله وامسح مسجاتي علشان لا يرجع يقراها لامه واخواته وخاصه مسجات العتاب احس مرة طفشت من شخصيته الانقياديه ينقاد ورى اي كلمه يسمعها من امه وش اساوي انا شخصيتي عنيده مااحب احد يمشي كلامه علي وبالاخص امه لذلك ماابي ارجع مع اخوة ابيه هو يرجعني ماابي اعوده انو يصير يسحب يده من اموري ويصير يخلي اخوانه يودوني ماابيه يتعود يعتمد ع اي احد في اموري ها وش شوركم