شوركم ياحوائيات عشان الدراسة ❤️

مساء الخير:27:

كيفكم يا أحلى بنات:smheart:

حبيباتي حابه اخذ رايكم ان شاءالله المشرفات ماينقلونه هنا البنات كتير ولا ادري وين احطه:27:

اول شي انا عمري 22 خلصت من محو الأمية الحمدلله وأخذت الشهادة

ونقلوني لمدرسة متوسط كبيرات يعني دوام صباحي رسمي إنما للبنات اللي تخرجوا

متأخر

المهم وانا كنت مفكرة ادرس منازل:icon29:

اولا لأني متزوجة وعادة الدوام للي ورآها بيت وزوج مو سهل

تانيا غالبا ماراح تكون متوفرة المواصلات

ثالثا انا ماابغى ادرس متوسط بس كفاية اني تأخرت في الدراسة

ابغى أسجل في نادي يومين في الأسبوع اجدد نشاطي

ابغى أسجل في تحفيظ

لو كنت منازل بإذن الله اقدر انظم نفسي لكن لو دوام راح يكون صعب

لأني غالبا راح ارجع الظهر ويادوب أنظف واطبخ وفترة المسا اكون مع زوجي واذاكر:01:

ونفس الوقت خايفة من المنازل عشان يقولون انه المواد صعبة وانا ماقد درسته

ولا ادري من جد صعبة ولا لا

لكني الحمدلله احب الدراسة ونسبتي في دور القران 99٪ الحمدلله

ونفس الوقت متخوفة

دحين ياقماري أفيدوني برأيكم لأني ماعندي احد أساله ويفهمني وانا ماجربت ومااعرف

ابغى أسألكم ايش رايكم هل الأفضل منازل او فعلا صعب وأفضل اداوم:ohplease::29:

هل المواد فعلا صعبة وما راح اقدر اجتازها وانجح:08:

وكمان المفروض ايش اعمل

اروح للمدرسة اللي نقلوني لها ولا ايش

لأنهم نقلوا ملفي لكن انا مارحت المدرسة المفروض يعني اروح المدرسة ولو رحت ايش اعمل يعني يثبتوني ولا لا:laughing:

معليش تحملوني لكن ماقد دخلت متوسط عشان كذا ماني فاهمه شي:bkh::22:



والسموحة منكم غثيتكم بالأسئلة لكن والله حاسه راسي ملخبط مدري ايش أسوي :confused-:05: