السلام عليكم انا وحده اموت بالشورما ودايم اسويه وماتعجبن مثل حقت المطاعم
والحمدالله دخلت مره على محل الرسيني للعطاره ولقيت عنده السر الخطير لقيت خلطة البروست حقة اسناد وبديت اتبل دجاج الشورما به وماشاءالله صارت احسن من حقة المطاعم بالف مره يطلع الدجاج طري ولذيذ وهاذي صورته
احفظنه علشان اذا رحتن لرسيني ماتنسنه :biggrin:
يالله هاذي الطريقه
اول شي نص بياله ماء وملعقه وسط من خلطة النقع لاتكثرن لنه مليانه ملح وشوي فلفل اسود وملعقه كبيره زبادي وحركيه ونقعي به الدجاج وحطيه بالثلاجه ساعه تقريبن
ثم طلعيه وكشنيه بملعقة زيت حتى تنضج وهاذي هي بعد مانظجت
ثم كشني بصل وفلفل رومي حتى يستوي
ثم حطي عليه الدجاج وملعقة صلصه وقلبيه شوي على النار وطفيه
وبس لكن اصبرو لا تردون بنزل طريقة خبز الشورما انتظرون شوي
هاذي طريقة الخبز
كاس ونص طحين
ربع بيالة زيت
ملعقه خميره
وملعقة سكر
وبيضه
وذرة ملح
وملعقه صغيييره باكنج
تعجن جميع المقادير وتخمر نص ساعه وتكورينه وتخلينه خمس دقايق
انا جت معي ثلاث كور
ثم تفردينه على رخام المطبخ بعد رشه بشوي طحين
وتسخنين الصاج على عين الفرن الكبيره وتخبزينه عليه وتقصرين النار حتى تنضج مع كل الوجهين
وهاذي بعد مانضجت
وهنا دهنته بكتشب ومايونيز وحشيته بالشورما وخيار وخس امريكي
وهنا لففته
وهنا غلفته وقدمته
وبكذا خلصنا
وبالف صحه وعافيه على قلوبكم ولاتنسون التقييم الله يجزاكم خير