شورما الحم على طريقتي

لسلام عليكم
هذي طريقه للشورما، بلحم فرش ، لاني جربت شورما حاهزه مالت امريكانا كلش ما عجبتني اصلا طعمها مو لحم، فهذي الطريقه تخليج تحسين بطعم اللحم واضح و ****لله تعجبكم






القادير:
لحم بقر هبر بدون عظم بدون شحم، اللي يستخدم حق المرق، مقطع مكعبات متساويه الحجم
قفشتين كمون
ملح
فلفل اسود
فلفل احمر مجروش
قفشه بابريكا
ثلاث فصوص ثوم مهروسه
اربع قفشات زيت زيتون
ليمونه
علبتين روب كامل الدسم
نص شده بقدونس
فلفل صوص

الطريقه
1- تغسلين اللحم عدل و تنشفينه من الماي
2-تبهرينه بالبهارات (ملح فلف اسود فلفل مجروش كمون بابريكا) و توزعينهم عدل
2- تحطين عليهم الثوم و اليمون و قفشتين زيت زيتون و بعدين الروب و و تخلطينهم عدل و تغطينهم و تدخلينهم الثلاجه يوم كامل




3-تطلعين اللحم عقب 24 ساعه و تحطينه بصنيه الفرن وتدخلينه الفرن على نار عاليه
4-تخلينه حوالي ربع اى ثلث ساعه لا تخلينه يستوي 100%، خليه نص الى ثلاث ارباع استوا
5-طلعيه من الفرن و حطيه بخشبه التقطيع و قصصيه شرايح بسجينه حاده بشكل شورما
6- حطيه بطاسه و حطي فوقه بقدونس و فلفل صوص حسب الرغبه و قفشتين زيت زيتون و خلطيهم عدل





7- الحين كتي الحم بالجدر و شوحيه على نار متوسطه لما ينضى عدل تالي حطيه بصحن التقديم





8- قدميه مع البصل و لخس و الطمام و الصمون او الخبز و صلصه الشورما






صلصله الشورما





المقادير:
قفشتين او قفشه و نص ميةنيز
قفشتين هرده
قفشتين ماي
فصين ثوم مهروس
علبه روب
قفشه زيت زيتون
ملح
ليمونه

الطريقه: تخلطين كل المقادير مع بعض عدل و تقدرين تخففينها بماي اذا تحبينه خفيفه، او تزيدينها ليمون اذا تبينها حامظه