شلونكم بنات
اليوم جبت لكم طبق سهل ولذيذ جداً
حق اللي يحبون الشورما
اللي يجرب هالتتبيله راح تعجبه ويسويها آكثر من مره :32:
المقادير
خبز صاج آو تورتيلا
خس مقطع
بطاط مقلي
تتبيله الدجاج
دجاج ساديا صدور مقطع مكعبات صغيره
١ ثوم مبشور
١ ماجي
١ نعصر ليمون
١ نعصر برتقاله تعطي نكهه تجنن في الشورما
ملعقه ونص خل
ملعقتين صويا صوص
رشه كركم
رشه ملح وفلفل اسود
رشه كاري
مقادير صلصة الشورما
بقدونس مقطع
ملعقه طحينيه ( هرده )
علبه روب
الطريقه
نتبل الدجاج ونخليه على الاقل ٣ ساعات
بعدها نجيب مقلاة ونحط زيت بدون بصل - بس انا احب البصل ضفت بصل
ونحط كل الدجاج مع التتبيله
ونخليها تطبخ على نار هاديه ونغطيها
لين ينشف الماي وتذوقونها تشوفونها نضجت تقريبا بعد ٤٠ دقيقه ل ٥٠ دقيقه
بعدها
نفرد الخبز الجاهز
وندهنه بالطحينيه
ونحط البطاط المقلي
والخس
والدجاج المطبوخ
ونلفها
بالصوره هذي ضفت جبن وبدون طحينيه وبقدونس على طلب اخوي الصغير لانه مايحبهم
انتوا تقدرون تسون اضافات باللي تحبونه
بس اهم شي طريقه الدجاج لانه لذيذ والباقي حسب الاختيار
وبالهنا والشفا
اعتذر عن استعجالي
ان شاء الله انزل لكم اطباق لذيذه جداً من تجربتي
مع السلامه
