أختي اكبر غلطه انك تتركي الغرفه وتنامي في غرفه ثانيه
أختي ارجوكي لا تعيديها ترى بتندمي
ارجعي ونامي في غرفتك ولا تعطيه فرصه انه يبتعد عنك ولا لحظه
حاولي بكل ما تجدري انك تحببيه في الصغار وتبيني له انهم متعلجين فيه ويحبونه
لا تتركيهم مع الخادمه خليه يتعود على اولاده عشان يعرف قيمتهم
حاولي تهيئي لزوجك الجوا المناسب في البيت الي يرتاح فيه وحاولي تخلى الصغار يناموا في وقت مبكر ...
عزيزتي باين من كلامك ان زوجك صعب عليه يتحمل المسؤليه اصبري هذا لن يكون حاله للأبد بيتغير مع الايام وبشوفي بنفسك عليك بالدعاء لا يغير القضاء الا الدعاء .....والله يجعل زوجك قرت عين لكِ ولبناتك ويجعلكم قرت عينه آمين

اختي انا ماني خبيره ولا متزوجه من الأساس لكن مع خبرتي البسيطه عن الرجال انصحك لاتتركين له المجال ابد ومثل ماهم بناتك هم بناته بعد يعني ترمينهم للشغاله عشان راحته ..

وترى بعد فتره انتي راح تتعودين على بعده ويصير بينكم جفا ماهو طبيعي ويمكن تتضاعف الآمور ويصير حتى مابينكم كلام ولا اي تواصل فانصحك لاتتركين غرفتك فهي راس مالك في البيت بما انك عايشه مع اهله ..

وحاولي تتناقشين معه وتفهمينه انك حاسه فيه لكن مابيدك شي تسوينه ولازم يوقف معك ويقدر وضعك لانه ابوهم وكفايه عليك متاعب الحملوالولاده والسهر والتربيه ...وفوق هذا مو قادر يتحمل وجودهم بس في الغرفه..

هذي نصيحة بنت غير متزوجه..

أشكركم أخواتي على الردود والاقتراحات الطيبه وان شاء الله أرد على الكل



شكرا أختي الابداع .... وهم أصلا يناموا قبل يجي ... بس اهو ينزعج من أصواتهم وهم نايمين :40: يعني مجرد صوت التنفس أو الكحه أو صوت الصغيرة يزعجه ... وهذا خوفي اني اترك له الغرفه فيحدث مالايحمد عقباه ...

شكرا أختي معشوقة زوجها



شكرا لك اختي sad sky وربي يبارك فيك ...هو فعلا يبي ياخذ راحته بالنوم ... يعني على قولهم لاشغل ولا مشغله .. مرات أفكر اذا كان وراه شغل بأعذره بس زوجي موملتزم بدوام ... وانا استحي أقوله اذا مو عاجبك الوضع اطلع يعني لو يطلع بيروح تحت عند امه وانتوا عارفين أمهات الأزواج ...
وهذا اللي محيرني .... شكرا لك مره ثانيه على النصيحه والله لا يحرمني منكم




شكرا أم أماريج .... فعلا انا خايفه من مسألة التعود ..
مثل ماقلت برد سابق أستحي أقوله اني مو راضيه عن هذا الوضع ( انزعاجه) ... وحاولت اعطيه البيبي بس مافي فايده مو متقبل الموضوع ..
بحاول اني اسمع نصيحتك وما اكرر خروجي من الغرفة ... وربك كريم ..
شكرا لك مره اخرى

ايش رايك عيني تشاركي امه بالموضوع ....
يعني ما اعز من الولد الا ولد الولد ....
خليها تشيل عنك شوية حمل يعني ما في مانع لو رسلتي ليها طفل او طفلين يونسوها بليلها الطويل .... وكدا تنتبهي لروحك عاد.
بلا ما ينقضي شبابك وانت حيرانة فين تنامي .
وخدي بنصيحتي اهتمي بنفسك اولا ثم بنفسك ثم بنفسك
شكل زوجك مش جايب خبرك.... بكرة بيطلعك بسالفة جديدة ....
ان كان على العيال هم عند جدتهم مش عند حد غريب .....
لكن انتبهي لتربيتهم وحسن اخلاقهم ......

اختك

ما فهمتش يعني البنات بيصحوا بالليل والا شو ؟؟؟؟؟؟؟؟؟؟؟

حتى لو صحيوا عطيهم قبل النوم واكليهم وشبعيهم حتى يناموا وبغرفتهم مش بغرفتك أصلا .