شوروا عليي..هل انا مجبورة ام لا؟؟؟

كيف حالكم حبيت استشيركم بموضوع.. انا صرلي 6 شهور متزوجة.. ابن حماي عندو ولدين اعمارهم 6 و 4 ونص.. اتطلقت زوجته من فترة اربع شهور والاولاد مرة عندها ومره عند بيت حماي.. انا فبيت مستقل عن بيت حماي والحمدلله علاقتي باهل زوجي كتير كويسه وبحبوني كتير وانا بحبهم وبحترمهم كتير .. المهم ام الاولاد تنازلت عنهم وصارو الاولاد عند حماتي من فتره حبيت اريح حماتي واحمل معاها. واقترحت عليها اخد ولد اربيه.. رفضت قالت لي مانك مجبورة وانتي لسا عروس.. ومن كم يوم زوجي قلي انو بدو يجيب الولدين اربيهم انا. زوجي متعلق باولاد اخوه كتير .. المهم رفضت بالاولا وقلي انا انا مافيني اتركهم قلتله انا ماعم قول اتركهم بس لو اهلهم لاسمح الله متوفيين انا بربيهم ع طول بس ماني مجبورة قلي وانا بدي جيبهم لعندي.. بين صد ورد قلتلو انا بترك وبرجع عبيت اهلي وهو اتدايق كتير وقلي مو جابرك فيهم قلتله مو جابرني وعم تخيرني يا برجع ع اهلي يا اما بربيهم قال لا انتي هيك بدك قلتلو انا قررت وخلص خلينا نترك بعض بكرا بالتراضي قال انا مارح اخد بكلامك ورجعي فكري.. انا لما شفتو اتدايق وحط حالو بين نارين قلتلو اوك بربيهم بس بشرط بربيهم ع كيفي ماحدا له دخل ورح ربيهم تربيه كل القرايبين يحكوا بتربايتهم ومتل لو عندي ولد يعني متل ما بدي ربي اولادي بس الله يرزقنا رح ربيهم ..قال اوك .. انا حكيت مع ابن حماي قبل ما وافق ع تربيتهم..وقلتلو ان خيرني بين تربية ولادك او ارجع عاهلي .. وحماتي حكت مع صديقتي وكلمتها تقنعني ضل بالبيت وقالتلها ان مانها مجبورة فيهم ومستحيل خليها تخرب بيتها هيي وابني مشان الاولاد.. بنات انا لو امهم بعيدة مسافره او متوفيه والله ماعندي مشكله بس الام كل يوم مشوار وروحات وجيات وعايشه حياتها ولا ع بالها.. وانا رح انحبس معاهم.. يعني انتو بتعرفو الدنيا حر وانا زي اي عروس فبيتها قلتله كيف بدي ضل متفرعه قدامهم قلي عادي اعتبريهم ولادك.. احيانا بقول رح تصير مشاكل انا وزوجي اذا ربيتهم لان زوجي مغنجهم كتير والاولاد حتى فبيت حماي مابيسمعو غير كلمتي انا بحبهم بس احيانا بغنجهم ولما شوفهم اخدو وجه ومايسكعو الكلمه بشد عليهم وبعد ساعتين لراضيهم .. واحيانا بقول حرام اتركهم لازم عوضهم عن امهم.. طبعا بيت حماي مستحيل يخربو بيتي ويعطوني ياهم بالغصب عني بس ممكن زوجي يغصبهم اخدهم.. وتاني شي انا نظام حياتي لان زوجي بيصحى الصبح بروح ع شغله ما بيرجع البيت للساعه 8 المسا واحيانا 10 المسا ف بسهر للصبح وبنام احيانا للضهر وبصحى بنضف البيت وبطبخ ومابحب روح من البيت كتير .. يعني ماعندي التزام.. اذا اخدتهم بدي اصحى معهم من الصبح وبدي حس بالملل وماني متعوده يعني حياتي كلها رح تتلخبط وتتغير .. شوي ضميري بأنبني وبقول معليش رح اخدهم وشوي بقول ماني مجبوره فيهم... اعطوني رأيكم تكونو مكاني شو تتصرفو؟؟؟ الله يسعدكم...الاولاد لما قبل ماتتطلق امهم كانت تربيتهم مو منيحه وانا غيرتهم كتير كانو ينقلو كلام ولما يكةن موجود ضيف يخجلونا من تصرفاتهم ويصرخو بوجه حماتي لكن صرت لما انزل عند بيت حماي او يجو لعندي اعلمهم شو الصح والغلط واختلفو وتغيرو للاحسن بكتير من قبل.. ومن يومين كانو عندي سمعت الولد الصغير بيقول لزوجي بالغرفه التانيه عمو سجلنا البيت .. قله زوجي شو سجلو يعني اكتبلك ياه باسمك قلو اي سجلنا ياه وانا زوجي ضعيف جدا امامهم.. معقوله ولد بهالعمر يتكلم هالكلام ؟؟؟بدون تلقين من احد؟؟؟ وضع زوجي الحمدلله مريح ووضع اخوه غير يعني مو سيئ بس هو يحب يتكل ع اهله وزوجي مشان يوفر وحاول كتير يرجع زوجته وهي رفضت .. شورو عليي .. واسفه طولت عليكم