شوروا علي ...

يا بنات انا عشمي فيكم كبير ..ز مشكلتي يمكن ما هي مشكله زي المشاكل اللي تنكتب

باقولكم مشكلتي باختصار او مشكلة اخوي

اخوي ما شاء لله عليه دارس و وسيم ومستقبله زين .. وتعرفون الحريم وسوالفهم انواع التلزيق:09: وكل وحده تبي لبنتها الزين .. المهم اخوي هذا قرر انه يتزوج ...طبعا امي قالت بدور له بنت ناس .. وحده من قرايبنا سمعت الخبر و صارت تتلزق كل يوم زيارات بعد ما كانوا قاطعينا من فوق العشر سنين وهي وبناتها و تلميح و مره خطبت اخوي :icon28: ... هم ما عليهم قصور بس البنت قويه مره وانا اخوي على نياته يعني بتلعب في حسبته لعبه .. المهم امي لقت له البنت اللي تناسبه وخلاص كنا بنخطبها له باكر ... الا اليوم اخوي جاي ويقول لنا ابي بنت قرايبنا :angry2: ... هي كانت مشتركه في منتدى واخوي الصغير مشترك في نفس المنتدى و مسجلها عنده بالمسنجر ودايم تسأل اخوي الصغير عن اخوي الكبير.. المهم اخوي الكبير عرف و بدافع الفضول سجل في نفس المنتدى و ما ادري كيف تولع فيها .. المهم هي عرفته و هو عرفها و اليوم تقريبا 5 ساعات قاعدين سوالف على المنتدى ... تعرفون اسلوب البنات فالمنتديات شلون يكون في شوية دلع ... البنت محترمه انا ما اذمها .. بس ما تناسب اخوي .. وبعدين حركات التلزق من تحت لي تحت ما تعجبني .. امي طبعا مش مرتاحه للبنت و ابوي بعد مش مرتاح .. بس امي تقول هو اللي بيتزوجها و هو اللي بيتوهق فيها ..

شوروا علي شنو اسوي ... افكر اقول له اذا تبي تاخذها بتعيش نفسك في مشاكل ويانا ... واحنا ما بنتقبلها ..