شوروا علي الله يجزاكم خير ... النفاس

انا في التاسع احتري الولادة الله يهونها
ادعولي تكفون معي مرض في الدم واتعبني التفكير
حاليا جالسة عند اهلي لاني بمنطقة ثانية وكنت بنفس عندهم فراجعت بحكومي هنا عندهم .. لكن ما ادري ليش متعسرين معي وشكلي بولد في بيتي بس موب قادره اقرر


اهلي بيتهم الدور الارضي كله مفتوح على بعض ويبوني اجلس بسريري في هالقسم .. وعندهم مجلس رجال معزول واهلي من النوع الي مافيه احد يجيهم ابددددد وعندهم ملحق برا لو احد جاء فجأة على انه والله محد يجيهم
اقول لامي بجلس بسريري في مجلس الرجال لان استحي اتسدح واغير وارضع في مكان مفتوح وغير ان عندي ولد صغير ابو سنتين مستحيل ينام في مكان مفتوح والناس اجازة واخواني واخواتي نومهم محيووووس واكيد بيحتاجون مطبخ واخواني الاولاد داخلين طالعين
بس موب راضية تقول تصبري واجلسي في المكان المفتوح !!


المشكلة يا بنات اني متخوفه من قرار النفاس ببيتي وانا ماعندي شغالة ولا جهزت لي شيء
تكفون انصحوني وش اسوي .. غير اني شايله هم تعليقات الناس اذا نفست ببيتي وهم ما يدرون ان بيت اهلي ما راح ينفع ومنهم حمولتي


هل قراري صح اطلع من المستشفى لبيتي !
هل اقدر اجهز لي اكل الحين وافرزنه !
تكفون ساعدوني بالي تقدرون عليه
انا بس شايله هم الاكل واني اقوم بنفسي والا ولدي عادي في بيتي يمدي اتحكم فيه والمولود انا من بكري ومحد يعاوني عليه مع اني والده عند اهلي