شوروا علي ،، انا تعبت

يابناااااااااات ابغاكم تشورون علي انا تعبت من ذي الحياة وتعبت من همها ،، انا متزوجة من ١٥ سنة وعايشه في سبات ونبات ولله الحمد والمنه
لكن اهل زوجي ينغصون في عيشتي نغص لا حول ولا قوةالا بالله ،، انا زوجة الكبير وفيه تحته ٢ ومتزوجين بعد
خوات زوجي وام زوجي لهدوني في ذي الدنيا
انا ساكنه بمدينة ثانيه غير عن المدينه اللي ساكنين فيها اخوان زوجي وبالاجازات الطويله نتردد عليهم (ركزوا عليها)
ام زوجي وبناتها طبعهم غيوووورين لما اي وحدة بين الزوجات يجيب لها زوجها شيء يغارون وينقهرون اعوذ بالله منهم ويسبون الزوجة ويقولون عنها فراطه فلوس وسرقت حلال ولدنا اللي ماتستحي وش تبي فيه
والله العظيم يابنات مرة كنا عندهم بالاجازة شريت دولاب من الحراج (احوالنا ماكان تسمح لنا) دولاااااب مستعمل متهالك كنت بصبغه واخليه بغرفة اولادي ولا حول ولا قوة الا بالله انهاروووا انفجروا اهل زوجي عطينا اياه انتي ماتحتاجينه انتي بتخلينه وتمشين حنا محتاجين دولاب امنا محتاجة دولااااب ويروحون يكلمون اخوهم (زوجي) عطه امنا امنا تحناجه امنا ماعندها دولاب دولابها قدييييم والمشكله قبل اقل من سنه شاريته هي ،، ماكلموني انا اذا انا احتاجه ولا لا ،، ههههه لا طبعا مستحيل يكلموني ماخذين مبدا (من فلوس ولدنا وحلاله انتي جايبينك مثل الشغاله تسغلين وترتبين له وتولدين له مرة وحده هههههه) بس كذا اتفاجئ ياخدونه بدون يقولون لي ،، المشكله ام زوجي غنيه غنيييييه لو تبي دولاب شرت ماتمنعها الفلووووس بس انهاروا ليش يومني اشتري دولاب ينقهرون يغاروووووون المشكله على اييييش دولاب متهالك
المشكله زوجي حنووووون وهو ساكن بمدينه ثانيه فايعطونه الوجه الحلو واحنا اصلا مانقعد كثير اما اخوانه ساكنين هناك فعارفين اطباع خواتهم وامهم ويوقفون مع زوجاتهم ومايقدرن خوات زوجي يتمادن على زوجاتهم الا نادرا ،،، اما زوجي الله يعيني عليه كلما اقوله قالولي سوو فيني طنشوني يقول انتي نفسية لان قداامه يسون الوجه الحلو والطيب ومن وراه يلطشن فيني
الحين لا حول ولا قوة الا بالله شرالي زوجي جوال وفرحني فبه وانبسطنا وجينا عندهم بالاجازة وشافوه وانهاروا المشكله ما اقولهم بس خلاااص يشوفونه شيء شاريه زوجي لي خلااااص ينهبلون وتبدا الغيرة والقهر ،، صاروا كل صباح يقولون لزوجي اشتر لنا جوال اشتر لامنا جوال مسكينه ماعندها جوال زين وصاروا يدقوني بالكلام الله يعين على الحريم اللي تاخذ فلوس الرجال ماتخاف من الله المشكله مو انا خذيتها وشريت فيها هو شرالي وفاجئني فيه!!!
والبارح انكسرت كسر خلاص احس ابغى ابكي تعبت تعبت تحملت بما فيه الكفايه وزوجي مو واقف معاي اقوله عن المواقف يقول انتي موسوسه ونفسيه الله يعين عليك نكدتي علي يومي خواتي تراهن على النيه وطيبات
موقف البارح كنا كلنا زوجات الاخوان معزومين مع ام زوجي بمناسبة والمجلس كله حريم وام زوجي خلت الزوجتين يجلسن جنبها على يمينها ويسارها وتمسك يدينهن يابناتي ياحبيباتي ياحلوكن يابناتي تراكن بحسبه بناتي ،، وانا باخر المجلس ماكلفت على نفسها تناظر لي وتكلمني وتقدر اني زوجة ولدها الكبير،، والسبب كله اني قلت لزوجي وقال لامه اني ابغى اغير اثاث بيتي اللي هنا وبعد الجوال خلاص كملت انا سراقه ولدهم مو زوجته
هالمواقف ماتحصل لي انا لحالي تحصل لكلنا احنا الزوجات لكن انا اكثر شيء لان زوجي مو واقف معاي عكس اخوانه زوجي شايف الجانب الحلو وحنوووون على امه ويعلمها كل شيء وبالعكس احب زوجي يكون بار بامه بس ماتكون امه كذا كاني سارقه ولدها تعبتني والله العظيم دمعتي بخدي خلاص اذا انتي تبين ولدك وتغارين عليه ليه تزوجينه ليه تتعبين بنت الناس معاك ومعااااه
خلاص بيتي الحين يبغن شيء؟ يكلمن زوجي حتى لو ببيتي حتى لو لي الدولاب نفسه ارعجوا زوجي عطنا اياه عطنا اياه ماتحتاجونه وماكلموني انا اصلا
وفعلا زوجي عطاهم اياه وقعدت بدون دولاب والمشكله الحين رامينه يقولون وش شاريه انتي متهالك طيب ليش تاخدونه مني دام تشوفوه متهالك بس الحمدلله ربي رزقني بفلوس وسويت جديد وتحسبو وقفن هنا؟ هههه لا راحن للسوق وشرن واحد نفس حقي واكبر لان زوجي رفض يعطيهن الدولاب واول مرة سبحان الله يوقف معاي بالعاده القى الشيء طالع قدامي وشايلينه من بيني لبيتهم بدون ادري لان ( هذا امي طلبته وانا ماقدر ارفض امي )
المشكله اني والله يابنات بشهادة الجمممميع اني اكثر وحدة حنونه على ام زوجي واسوي لها فطورها وغداها وعشاها واجيها طياره لا تعبت واعتني فيها اما الزوجات الباقيات زين يدرون ان فيه ام زوج
المشكله خوات زوجي متزوجات وماااايعترفن بشيء اسمه اهل زوج او ام زوج مطنشاااااتهم حتى ام زوجي تعصب لا درت ان بناتها طبخن لامهات ازواجهم او امهات ازواجهم جو عندهن اجازة دايم تقول ياويلي بناتي الله يعين على ام فلان جتها وبتتعبها وتشغلها وبتخليها تطبخ
وربي يابنات مرة ام زوجي كنت جالسه معها وكلمت بنتها ولما درت ان ام زوجها بتجي عندها تجلس اسبوع ونص تخيلووووا قالت لها ام زوجي (الله ياخذها للموت بتجيك تجلس عندك !!!)
انصدمت انا وربي وهي استوعبت اني جالسه عندها وسمعت وش قالت واتفشلت وقالت اي الله يعين ،، يعني وااااضح هالكلام ينقال بدون احد يكون موجود واااضح يدعون عليهم بالموت ،،
والحين اكتشفت انهن يحرضن زوجي يتزوج علي ويعلمنه عن بنات ارامل ومطلقات واكتشفت صدفة لما تكلموا وانا اسمعهم
زوجي يتهرب من السالفه ولما سالته مرة قلت له هل فيه احد يحرضك تتروج علي قال ايه
يبون يشوفوني تعيسه مكسوره وخداااااامه وشغاله ولا تشترين شيء زين الخبر اللي يجيبه لك ويخليك عايشه بذي الدنيا والله حرام والله حرام كسر النفوس والخواطر حرااام هن مايرضن على انفسهن هن اساسا بيت ام ازواجهن قريب بس ماعمرهن ولا بحياتهن راحن لهن لان يخافون يمسكونهن ويطبخن لهن بس انا لاااا عاااادي اطبخي واكرفي ونبي حاجة من بيتك ناخذها بدون علمك لان هذا بيت (اخونا ) مو بيتك انتي ماتزعلين وفوقها نحرض ولدنا يتزوج عليك وطبعا اذا ماكرفتي لنا ولامنا وماسويتي اصناف الاكل الممدوده لنا انتي سراقه انتي ساحره ولدنا انتي سارقته وتاخذين فلوسه،، والمشكله اني اكثر وحدة تكرف لهم واكثر وحدة لا صارت عزيمه قامت بالبيت وساعدتهم حتى هن لما بصير عزيمه يدق علي تعالي يافلانه والله ان تجين مشتاقين لك ؟؟ ههههه علشان بس نبي شغاله تجي تشيل العزيمه عنا وانا كنت غبيه انبسط على كلامهن واجي واشتغل لدرجة اصير ماقدر اتحرك من كثر الشغل وانبسط انهن يمدحني وصارن يحبني بس بعدها بيومين يبدا التلطيش والسب والتنمر واستغرب وش سويت وش تبن علشان تصيرن معي كويسات!!
اخر عزيمه استوعبت كلامهن وفعلهن وصرت اجي من متكشخه على الاااااخر واغسل فنجال واحد واجلس وهن منقهراااااات ويصيرن خلاص محموصات من القهر ويبدا التنمر علي
انا خلاص تعبت وخصوصا من زوجي مايشوف افعالهن ولا سواياهن فيني ولا يوقف معي يقدم رايهن على رايي
جبت هدية لاخت زوجي عندها مناسبه راحت صورت كل هدايا زوجات اخوانها عدا هديتي
ولما قلت لزوجي قال انتي موسوسه ونفسيه الله يعين عليك
انا تعبت يابنات تكفون شوروا علي خلاص انا انبطت كبدي من ذي العيشه ماحد واقف معاي وزوجي لو انه مو طيب وحنوووون علي وعلى عيالنا،، وحنون وبار بامه وطيب لخواته لدرجة مايشوفن افعالهن ويحسن الظن كان تركته من زمان
وترا كل يوم هذا حالي وخلاص كل مانبي شيء من البيت يكلمن زوجي وزوجي مو مقصر معطيهن كل شيء بدون يرجعون لي
المشكله قلت له هذا بيتي حرام تاخذون منه بدون تشاوروني قال يعني تبيني اتفشل من امي وخواتي واردها بخاطرهن انتي ماعليك اقدر اجيب لك وبعدها مايجيب لي شيء هههههه
انا تعبت خلاص ماقدر اكمل اكثر تكفون شوروا علي وربي خلاص تعبت تعبت تعبت وربي صرت اصلي وانا ابكي
زوجي مو معااااي ولا يشوف الافعال ويحسب اني غلطانه وشكاكه ماحد معااااي تعبت انا تعبت