شوروا علي بأمر صديقتي

السلام عليكم ورحمة الله وبركاته
بنات ابي استشيركم في موضوع واخذ رئيكم فيه
هالمره الموضوع مايخصني
يخص وحده صديقتي (قريبتي)



هي عمرها 34 تقريبا بس اللي يشوفها يقول لسا بنت بنوت:27: عمرها مايتعدى الـ 22 مطلقة من سبع سنوات وكانت مره متشفقه على الزواج الثاني
وانخطبت كثييييييييييييييييييييييير خطوبها شباب :37: ورجال متزوجين ورجال مطلقين :arb: وكانت كل مره ترفض ولها اسبابها مرات منطقية ومرات ولا هيب لم سالفه

هالمره انخطبت لواحد اكبر منها بشي 5 سنوات
متزوج
وعنده :baby2: :baby2:, وافقت عليه اخيرا...... بس...............

هالواحد يقرب لها , وهي تعرف زوجته , وتقول انها ماوافقت عليه الا بعد ماتأكدت ان زوجته موافقه عليه

بس انا عرفت من برا ان الناس مره يتشرهون عليها ويقولون وش تبي فيه
غير ان زوجته الأولى مرررررررررررررررره جميله جميله جميله
وفيها شوي شوفة نفس وهو بياخذ الثانيه عليها بس عشان يكسر خشمها ولا هو يحب زوجته ام عياله ويموووووووووووووووووووووووووووووووووووووووووووووووووت فيها
حتى خواته يوم قالوا لهم الناس ليش تخطوبنها له حرام عليكم تخطبونها وانتم تعرفون وش ناوي عليه..!
قالوا ماعلينا هو قالنا اخطوبها موب حنا اللي اخترناها له !!!!!!!!!!!!!!!!!!!!!!!!!!


بنات من جد ضاق صدري يوم قيلي هالكلام
بتنصدم المسكينه لو بيصير معه الموقف يتكرر مره ثانيه :icon36:
والمشكله موب باقي على زواجها الا اسبوع
وفترة الخطوبة والملكه والزواج كلها ماخذت شهرين , كان هو مره مستعجل وكل شي خلاه سريع سريع
وش تتوقعون بنات بالله عليكم تتوقعون ناوي لها النيه الشينه !!!؟
تتوقعون انه فعلا بيأدب زوجته بهالشي !!!
:ohmy:


شورو علي يابنات اقولها عن اللي سمعت
ولا اسكت يمكن يصير بس كلام وكل شي بيصير على مايرام !!!؟



يامن تقدر ولا نقدر, يامن تعلم ولا نعلم , اللهم ياعلام الغيوب ,
اللهم ان كنت تعلم ان هذا الزواج خيرا لها في دينها ودنياها ومعشاها وعاقبة امرها فاقدره لها ويسره لها ....
وان كان في هذا الامر شرا لها في دينها ومعاشها وعاقبة امرها فاصرفها عنه واصرفه عنها واقدر لها الخير حيث كان ثم ارضها به ....


اللهم امين