شوروا علي تكفون في حياتي مع زوجي

أنا موظفه في البنك ودخلت على حساب زوجي حصلته مشتري ذهب من الرميزان طبعا انا مره زعلت
وسألته انت متزوج علي وقلتله اني دخلت على حسابه قال انتي مين سمح لك تدخلي على حسابي
شي مايخصك قلت خلاص رجاء ماعاد تكلمني جلسنا أسبوعين وكل واحد ينام في غرفه المهم رحت
عند أهلي يومين ورجعت أمي شرت لعيالي الاي بود وزعل لما شافه وقال للشغاله رجعيها وخلي السواق
يرجعها لأمها قلتله خلاص انا تعبت منك انا رايحه عند اهلي قال روحي انتي عارفه اش قدرك بس أولادي
ماراح تاخذيهم يتربوا زيك وجلست ابكي عنده واسحبهم سحبني من يدي وطلعني من عندهم اخته كانت موجوده ودخلوا امه وابوه والله العظيم مامديت يدي عليه ولا غلطت عليه دخل علي ابوه في الغرفه وهوه
معصب ورفع صوته مره علي وقال يلعن ابوك مع العلم ابويه متوفي وقال انتي ملعونه والله العظيم ماتتصوروا
قد ايش كنت احترمهم واقدرهم ولا عمري غلطت عليهم انتي زوجه تضاربي زوجك كلمت اخويه وانا ابكي وزوجي اخذ اولادي وطلع اخذت اغراضي وطلعت بس اليوم الي بعده ارسل اولادي مع الشغاله والسواق وانا لي الحين
اسبوع ونص ولا جا ولا سأل اش اسوي مره محتاره ومصدومه فيهم مره قهروني وظلموني