شوروا علي ... شلون اتعامل مع اختي .....؟؟؟؟؟

احكيلها دايم كصديقة عن المصايب الي تحصل للبنات من وراء النت و كيف الشباب يخدعوهم ..

حاولي تصادقيها و تخليها تتكلم معك براحة و تحكيك كل الي في نفسها ..

نبهي امك للشكوك و المخاوف ووصيها انه اختك ما تطول في النت ...

ادعي دايم انه ربي يجعل بين اختك و المعاصي و الفتن جبال و سدود و جنود لا تحصى و لا تعد ...والله يحميها من كل شر و مكروه يارب ...

مافية اب اخ ؟؟؟

rose candle

تسلمين اختي على ردج وباذن الله بحاول اسوي اللي قلتي عنه وياليت القى نتيجه

~~~~~~~~~~~

الواثقة من نفسها

ياقلبي في أب وفي اخوان .. بس ابوي مسافر معاي ماقدر اسافر بروحي
واخواني واحد منهم في دورة والثاني متزوج طالع في بيت بروحه بالله عليج قوليلي هذيل شلون
بيلاحظونها ..

فكرت اخذ جهازي معاي والجهاز الثاني احط له باسوورد وجذي محد يقدر يستخدمه.. موجذي
احسن واريح ؟؟ ولا اشرايكم

السلام عليكم
والله يااختي احيي فيك روح الاخوة والخوف على اختك ياريت كل الاخوان قلوبهم على بعض مثلك لكن اعتب عليك اختي في شي واحد . وهي عصيبتك الزايدة ومثل هذه الامور ماتتاخذ بالشكل هذا حاولي تقعدين مع اختك وتفهمينها الصح من الغلط وقد ماتقدرين فهميها ان الشات سخيف ومايدخلها الا الي ماعنده سالفة وسخيف حاولي الاستخفاف بالشات واللي يدخلونها وعرفيها على مميزات النت وانها شبكة تعليمية اكثر من انه ترفيه والله اعطانا عقل عشان نشغله بكل ماهو مفيد ولا نفسده بكل ماهو سخيف ومهين ودايما قولي انا واثقة فيك بس خوفي عليك هو اللي يخليني بالشكل هذا وانت بنت عاقلة واكيد ماراح تشغلين وقتك بالسخافات وتقربي لها قد ماتقدرين وخلي الوالدة تكون مرة قريبة لها وقولي لها تذكري قول الله تعالى" مايلفظ من قول الا لديه رقيب عتيد" دايما قولي لها خلي هذه الاية في بالك لان الله سبحانة وتعالى هو اللي يشوفك ويسمع انا بكرة رايحة بس الله باقي مطلع على ماتفعلينه فخلي افعالك ترضي ربك وترضي نفسك والله يحميك من كل شر , واشترى لها كتيبات عن ضحايا النت واش اللي صار فيهم وعززي الثقة فيها وهاوديها وانشالله ربي بيحرسها باذن الله . اسفة طولت عليك بس والله اني احسبها اختي والله يحفطها فهو خير الحافظين

مساء الخير اختي الغاليه
ونفس مشكلتج اعانيها مع خواتي الى اصغر مني
والمصيبه اني فعلا خايفه عليهم من المصايب والبلاوي الى نسمعها كل يوم
الله يتمم علينا بالستر ,
وهم ما يفهمون هالشيء انه خوف عليهم اكثر من اي امر آخر ,
ودوم يوم اني انصحهم وجيه ياخذونه من باب اني افرض راي عليهم وهالشيء غير صحيح انا يوم اقول لا بحزم معناها اني اضع حد للاشياء وايد واني اقول لهم هذه الشغله لا وما بسمح فيها , اللاقي ردهم فعلهم التافف والزعل !!!
يزعلون علي وانا خايفه عليهم ؟؟!!
المهم قعدنا على هالحاله فتره عقب جذي بديت احط برنامج مراقبة للجهاز لانه جهازهم بروحهم وكل ما ادخل انصدم وحده تدخل منتديات وتقعد تضيع وقت فيها وما تستفيد كثر ما اتحوس بالموقع بدون اي هدف !!! وكله تسمع اغاني ؟!!!
والثانيه دخلت الشات الكتابي وتدخل مواقع اجنبيه تخص الفنانين !!!
شو سويت انا ؟!!!
مسكت الثنتين وكلمت كل وحده بروحها الاولى قلت لها ليش تدخلين المنتدى ؟ تقول اضيع وقت قلت استفدتي شيء ؟؟؟ قالت عادي مب لازم ؟! قلت عيل دوري لج شيء مفيد وحاولي تسوين بحث وصرت انا اكلفها تدور لي على مواقع مفيده علميه ابحاث صور مواقع دينيه مواقع فتوه وكانت تلبي لبي وتيبهم لي ..
الثانيه رده فعلها كانت فظيعه !!! قلت لها ليش تدخلين الشات؟؟ تقول مادخلت وقعدت مصره على رايها ؟! قلت لها شوفي بقولج كلمه انا اليوم يالسه اطالع واشوف شو تسوين !! لكن قبل لا ااشوف انا كل هذا فوقج الله رب العالمين ؟! الشات لا تدخلينه ولا اباج تطبينه ومثل ما عرفت انج دخلتيه الحين بعرف مرة واثنين وثلاث لذلك لا تكررينها !!!
قعدت فترة ما تدخل عقبها دخلت ورديت كلمتها وقلت لها ما بخليج تدخلين النت ويمكن التهديد ياب نتيجه حلوه والحين الحمدلله


بس نصيحه مني لج لاني حاسه بكلامج والله واعرف شعورج لاني مريت فيه حطي لج برنامج مراقبة يسجل لج كل حرف على الجهاز رح يخزن لج كل شيء باسوردات ايميلات كل شيء كل شيء وحتى الشاشه رح يصورها لج تلقائي وبجذي تعرفين كل شيء تسويه
بس نصيحه لا تقولين لها انتي سويتي وسويتي هذا غلط
حاولي قد ما تقدرين انه تنزلين لعقلها وفكرها وتصيرين صديقتها حتى لو هي ترفض هالشيء خلج انتي الاحسن واحتسبي الاجر من عند الله مثل ما انا اسوي واقول بنفسي اللهم انك تعلم ان عملي هذا خوف مني على اختي وحفاظا لها فالله يجازيني خير ويستر علينا برحمته وفضله ويتمم لنا بالعفاف والغنى ..