شوروا علي في زواجي

السلام عليكم ورحمة الله وبركاته

امممم انا محتااره يابنااات

خطبني واحد والنعم فيه كلن يمدحه وانا عمري 18

بس مادري خااااايفه بالبدايه ماكنت موافقه لعدة اسباب

اول شي انا صغيره مادري احس مابي اتزوج الحيين:44:
وحنا من القصيم واللي خطبني بدوي....والنعم فيهم بس اخاف من اختلاف العادات والتقاليد

وغير كذا حنا بالدمام وهو بيوديني الحساا....هذا اكثر شي مخوفني موب متعوده اروح بعييد عن اهلي بس اللي اعرفه اهل الحساا طيبين بس حتى لو ماعندي احد هناك:44:
ويبيني البس عباة عالراس وبرقع وانا متعوده عالكتف

مادري انتوا وش رايكم مين جربت تروح عن اهلها صحيح الدمام قريبه من الحسا بس اخاف موب متعوده الا على الدمام

واللي من الحسا ياليت تقول وشلون عيشتهم انا سمعت دواسر الحسا متشددين ولازم كل اسبوع يروحون البر ....مثل اهل خطيبي كل اسبوع يروحون

مع العلم ابوي وامي مستانسين يقولون الولد اخلاق ومافي احسن منه وامه طيبه مرره وحبوبه وهذا اللي مشجعني

وابوي يقولي بلا دلع زايد ترى ماراح يخليك تحلبين الناقه:44:

الله يخليكم ادعوولي وربي خايفه ومحتااره الخطبه طولت وللحين ماعطيناهم جواب زين

الله يكتب اللي فيه الخير