شوروا علي في موضوع شغالتي

السلام عليكم. زي مافي العنوان الموضوع يخص شغالتي  جتني بعد انتظار 8 شهور لها الان 4شهور بالتمام اول ماجتني كنت اعلمها واقوم معاها بدري والله اني معها اعلمها الشغل حبة حبة لانها لم يسبق لها العمل وبطيئة جدا  بس كنت اقول لسه جايه باصبر عليها لدرجة امي وخواتي يقولون لي ياصبرك عليها تحب النوم والاكل  والشغل الله بالخير , ماتمت عندي 10 ايام  صحيت الصباح اناديها والقاها على وجهها على  الدرج ثم قامت تصيح وتقول ماعاد اشوف وتأشر على عيونها المهم وديتها الدكتور  وكان زوجي مسافر  وقالوا لي مافيها الاالعافية  بس عطوها مسكنات  بعدها بكم يوم فقدت ساعتي وكنت حاطتها في مكان معروف في غرفة بنتي المهم بينت لها اني متضايقة وقلت انا باطلع ودوريها يوم جيت  جابتها لي ،،، المهم صبرت عليها في بطئها ووساختها  وما تحب البزران ولدي اذا شالته كانها رجل الي عمرها ما لاعبته وبنتي عمرها 5سنوات ماتواطنها ولا تخليها تسوي لها شي , الله يكرمكم لو تشوفون حمامها وغرفتها كانها مزبلة..  في رمضان كنت جاية من اهلي وكانت ريحة البيت  الله يكرمكم ريحة حمام  رقيت فوق  لقيت حمامها شي خيالي وملابسها الوسخة في كل مكان هاوشتها وقلت نظفي الحمام ونزلت
 لما ناديتها ماردت رقيت عليها لقيتها مسكرة على نفسها الباب وقالت ودوني اندونيسيا وكان زوجي برضة مسافر  وجلست في غرفتها 3ايام والله حتى حاجتها تقضيها في الغرفة وبعد كذا رضت ورجعت تشتغل,,  ايام العيد رحت وجلست عند اهلي يومين وكنت حاطة طقم الذهب في شنطة الملابس فقدت الخاتم بس قلت حرام اظلمها اول بادور في غرفتي اذا رجعت بيتي يمكن ما جبته من الاساس,, رجعت لبيتي دورته ما لقيته  ونسيت الموضوع لما رحت لبيت هلي جابت امي لي الخاتم وقالت لي هذا خاتمك,, مي الله يحفظها  وهي تدور في الحوش لقته في منديل مع حلق بنتي ملفوف وتحت النخلة الي في بيت هلي  وقبل يومين رقيت فوق افتش اغراضها لقيتها ماخذه روج  -وانا اخذت كل الي جابته معاها وقلت اذا جيتي تروحين الاندونيسا رجعتها لك -ولقيت في جيب بنطلونها فلوسمجمعتها من فسح عيالي هذا والمدرسة توها لها اسبوعين ،،،،، وبعد الي سوت وانا كارهتها واقول لزوجي  عنها ويقول ماراح اتنازل عنها عشان مشكلة الاستقدام الحين وانا باسكن بيتي الجديد بعد شهرين وعيالي كثار الله يحفظهم وصغاربس من جد ماادري وش اسوي احس ان يدها خفيفة وا شغلها يحوم الكبد ولا استفدت منها في عيالي ولدي آخذه معي كل مكان ما ارتحت لها  وجلست اوسوس وش تبغى بالروج لاني احيانا اروح لاهلي وماتكون معي، وزوجي يجي قبلي لاني اجي مع السواق جلست اوسوس.  شوروا علي نسيت اقول لكم انها خربت علي في يوم واحد تحفة انبهها دايم عليها لانها غالية وفي  نفس اليوم في الليل سمعت صرقعة في المواعين يوم رحت لقيتها كاسرة يد مقلاة البيض كنت لسه شاريتها وكانت تضحك ولا همها انا استخرت وباقي تشورون علي احس اني ماعاد اطيقها بعد سالفة الخاتم والفلوس وزوجي يقول عادي طنشي  وانا ماش مارتحت لها ما عليش طولت عليكم بس شوروا علي لان مافي  استقدام والي عندها خبر عن فتح باب الاستقدام لا تبخل علينا