شوروا علي كيف تتصرفون مع عيالكم واهل ازواجكم؟؟

السلام عليكم
اخواتي ابي استشيركم بموضوع

انا عندي ولدين الله يصلحهم ويحفظهم وعيالكم جميعا

في بيتي يازينهم.. على التلفزيون على خيمتهم على سياكلهم
يعني صح يخربون بس مو مثل خراباتهم اذا رحنا بيت اهل زوجي

يحوسووووووووووووون ابو الدنيا حوووووووووووووس:(

وانا بس أطارد وراهم

واحد على الحمام وانتوا بكرامه.. اطلعه واسكر الباب
شوي مدري مين فتح الباب ماسكره والقاه مره ثانيه بالحمام ومبلل ملابسه

والثاني شغال يا بالمطبخ .. يا على النيدو يلعب فيه يا على الملح يكبه بالارض.. او المواعين.. او يكب موية البراده.. والله مره دخلنا المطبخ الارض كلها مويه
اثاريه خلى المويه مفتوحه حقت البراده وكلها انكبت بالأرض ههههههه
او فوق بغرفة الكوي يبخ مريتو
او برا بالحوش

صرت ما اروح كثير لأهل زوجي بسبتهم.. اطفش اذا رحت بس الاحقهم وبعد اخافانهم يضايقون اهل زوجي
والحين صاروا يقولون لزوجي وش فيها متغيره؟ :09:

لاني صرت اطفش ..يعني ماعندي شغاله.. واترك شغلي وغسيل وكوي ومواعين واروح عشان اطارد هالورعان

بسألكم
كيف تتعاملون مع اولادكم اذا خربوا ؟

انا أول كنت على طووووووول اول ما اسمع احد يهاوش عيالي اروح اشوف وش صار

بعدين صارت سالفه بيني واخوات زوجي.. وقالوا انك تحطين حواجز بينا وبين عيالك

ف صرت اذا سمعتهم يهاوشونهم ما اروح اشوف.. قلت عشان ماتصير حواجز على قولهم

مع اني ما احب الحرمه اللي تخلي عيالها يحوسون وهي قاعده

مابي يقولون عني كذا.. وبنفس الوقت مابي احط حواجز بينا

وش اسوي؟؟ اذا اولادي غلطوا بشي وسمعت احد يهاوشهم .. اقعد مكاني وأطنش؟ والا اروح اشوف وش صار؟

والله ماعاد اعرف كيف اتصرف


وسلامتكم