والله بالكفالات ماانصحك والله تصير بلاوي مايعرفون غير زوجك جاي ورايح

حتى لو مسكوهم وهم ماعليهم شئ بس ان الاقامه منتهيه انتعو زوجك
وان لقوة يسوي شئ مو من حقه انتعوه ان صارت مهاوشه كمان جابوه
ماودي اقطعك من الخير بس بالكفالات مصيبه

نصيحة الإخو ماينضمن بالزمن اللي تقدرون عليه سووه لكن كفالة ابعدي عنها بكره يجرون رجلك وكيف تتسترون على مخالفين للبلد

تأكدوا من وضعهم حبيبتي بالاول لايجي من وراهم مشاكل
واذا انهم ناس ثقة ومتأكدين ممكن تساعدونهم
انا كانت تجيني بين فترة والثانية شغالة كينيه كبيرة بالسن حبوبة وامينة
طبعاً عايشه بالسعودية بدون اقامة لما جت الحملة السابقة اللي شددو فيها ع المخالفين طلبتني نكفلها
وصراحة كان صعب لانها تشتغل في البيوت ولو انمسكت تشتغل في بيت غير كفيلها حنروح فيها
ولا اقدر اخليها معي ماني في حاجتها دايم اعتذرت منها
بعد فترة احتجت لها كلمتها طلعت وحدة كفلتها وشغلتها عندها ورفضت تطلع للبيوت
وصراحة فرحت لها هي حبوبة بس ماكنت اقدر اساعدها
وللحين امورها زينة مع كفيلتها

الله يعطيكم العافية كفيتم ووفيتم حبيباتي بنات حواء يجعلني مانحرم منكم
وبصراحة كنت أنا وزوجي مرة مترددين من ناحية الكفالة لكن بعد كلامكم
خفت وشاورت أهلي طلع نفس رأيكم وخلاص هونا وهي الله يرزقها
ويعينها على ماابتلت به

انا ما أنصحك تكفلونها مااتدرين وش ورآهم