شوروا علي والله انا في ضيقه مايعلم فيها غير ربنا

ما عندي مقدمه جالسه ابكي من زووجي له ثلاث اسابيع لا يتكلم معاي مدري ايشبوا حاولت اتفاهم معاه بطيب با لين ما نفع معاه ساكت ما يتكلم وانا كاني اكلم نفسي لي درجه يدخل الغرفه يقفل علي نفسوا الباب يا جماعه ما سويت شي ايش فيه مدري قلت اسكت ابعد عنوا يمكن مضايق من شي في نهايه اخد ملابسوا وسافر مدري فين قبلها كان راح المدينه وماقلي عرفت من اهلوا انا اخر من يعلم طيب ليه حتقولولي البسي اكشخي قسم با الله البيت مرتب نظيف كل ما تنطفي شمعه حقت الفواحه احط غيرها في صبح لبس وفي عصر البس لبس غير مكياج بشرتي تعبت من المكياج اهتم في اكلوا اسويلوا شاي قهوه مره يشرب ومرره لا والله كل سوبل اراحه موجوده انا فاضيه ما عندي اطفال فا شي طبيعي اهتم فيه وفي البيت كلمت اهلي اهلي يقولولي اصبري لا تجي عندنا لوا جيتي بيتنا ترا ماراح يسال عنك انا الحمد الله مدوامه علي صورة البقره ليه سنتين كل يوم اقرئها واستغفر اكتر من 1000 مره في يوم تصدقوا في قيام الليل ادعي ياارب خد روحي,,,,,,,, تعبببببببت خلاص انا عمري صغير هوا اكبر منى 11 سنه لا يحب يخرجني ولا شي كلوا تكسي او اهلي وهوا بس مهتم في نفسوا سفر وكل شهر يشتري ملابس لي نفسوو وعطور تعبت من انانيتوا امانه يا بنات حطوا نفسكم مكاني ايش بتسوا فين ارووح لا اهلي يبغوني اروح لهم ولا زوجي الي مسااافر تصدقوا والله جالسه حاسه قلبي يعورني والله تعبااااااانه معليه كلامي ملخبط والله جالسه اكتب ودموعي علي الكيبورد امانه عليكم شوروا علي ايش اسوى معاه والله تعبت ولي ما عندها شي تدعيلي يمكن وحده منكم دعائها مستجاب امانه لا تخلوني بروووحي