شوروا علي وش السواة

حياكم الله ياحوائيات الصراحه انا عندي موضوع ودي انزله من زمان انا عندي حماتي ام زوجي مااظلمها كل شي فيها زين بس امور استغرب بشده منها مثل ماتحب اشري شي لا لي ولا لعيالي يعني لوطلعنا مع بعض تتضايق اني اشري ملابس يبين عليها وثاني شي انااجيهم بالأسبوع مره اذا شافت لبس علي جديد اوعل عيالي اومعي شنطه تسألني هذا بكم اذا قلت لها هالشنطه ب200 تشهق ذيك الشهقه اللي تضيق الصدرقسم بالله اني انحرج ولا سألتني عن لبس عيالي بكم لبسهم لاقلت لها ب30 تقول غالي مره ماادري تبين اشتري بدله كامله ب5 ريال الظاهرودايم تقول لي انا عيالي يوم كاانوا صغار كل واحد له بدلتين بالشتاء وبدلتين بالصيف وجزمتين بالشتا والصيف ةلا ضرهم يعني ماتبين اشري لعيالي ولا لبنتي الا لبستين فقط واذا شريت شنطه قالت انا ماكان عندي الا ثلاث شنط والبس البسه عشرين مره في كل عزيمه بس اني كشخه ولا يهموني الناس والبس الجزمه مية مره ولا اغيرها ولا يهموني الناس طيب ياعمه هذي انتي انا ماتعودت على كذا يعني اللبس البسه مليون مره مااقدر ليه مااسمن ماانحف في شي يضيق مايدخل وش يسوابه ذا يعني اقعد انحف لما انحف شي غريب وماشاء الله عندهم اثاث له اربعين سنه ماغيروه وتبيني اصير مثلها مالي الحريه اغير ببيتي الشي له زمن الاثاث له زمن ولازم يتغير هي لأ اللهم ياكافي ماعليهم قاصر شبعانين جدن بس دايم تحط عينها على اللي اشريه وش السواة كثر الضغط يولد الانفجار شوروا ولو تدري ان زوجي يعطيني مصروف كان تولع لانها تقول المره لايعطيها الرجل وجه مع العلم ان عمي مكرم عليها وشورها لها انا لأ ماتبين اشتري ماتبين اغير شي ببيتي تخيلوا بزواجي ماكلفوا على انفسهم ى وراحو صالون وهذ عرس ولدهم انصدمت يوم شفت لبسهم عادي جدن حتى جماعتي انصدموا وشي ثاني ماتجيني ابد في بيتي ابد اترجاها تجي ودايم تقولي بعدين وانا لي عشر سنين ماخذه ولدهم بس كل شي كوم والشي الثاني كوم اللي هو اللبس تبين اكرف فيه سنين طويله بالعربي تبين اصير مثله انا مأقدر احيانا انقص بالسعر كثير عشان ماتشهق وتموت اخاف عليها لانها تعبانه والشهقه ماهي زينه :09: وعندها بنت وحيدتها يحول ماارحم الا هي ماتلبسها مثل مايلبسن البنات ماتصبغ ماتقص البس الصراحه اشوفه عليهم مية مره بس انا مارحم الا هالبنت الله يرزقها وتتزوج وتعيش حياتها هايابنات وش اسوي كل اسبوع لازم ذا الشهقات تطلع وش السواه معاها شوروا علي وزجي يقولي ماعليك اشري والبسي بس هي ماادري وين هي عايشه الله يصلحها
اتمنى تردون علي ماتسفهوني :angry: