شوروا علي وين أولد..واللي جربت مستشفى الحرس بالرياض

السلام عليكم يا اخواتي انا متفقه مع زوجي أولد في مستشفى السعودي الألماني عند دكتوره اراجع عندها في احد المستوصفات الخاصه..وبعده خفت وقلت ابي الحكومي ..تبع مستشفى فهد اللي هوالحرس بالرياض
وانا بكريه وخايفه مووووت توني دخلت التاسع
وافكر اخذ ابرة الظهر واظمن عند الحكومي لأني سمعت ان بنات من قرايبي بكريات واخذوا ابرة الظهر في مستشفى فهد بس مافيه تواصل بيني وبينهم عشان أسألهم
المهم الحين انا ودي اعرف كيف معاملتهم بمستشفى فهد الحرس كويسات الطبيبات وإلا مايعطون وجه 
لأني اشوف مواضيع لولادة بعض الحريم في مستشفيات حكوميه يعاملونهم زفت عذاب في عذاب
وابي أسأل لواستخرت وماطلبت ابرة الظهر او هم سحبوا علي  وماعطوني الإبره..هل يعطوني بنج عند الخياطه إذا ولدت طبيعي..لأن صديقتي توها ولدت بالعسكري في الرياض ولدت طبيعي وتقول ماعطوني بنج عند الخياطه وبغيت اموت من ألم وهي تخيط
الله يخليكم انا خايفه علموني اللي جربت وانصحوني