شوروا علي يا بناااااااااااات

السلام عليكم
وكل عام والجميع بخير

خبركم اني اجهز لزواج اختي وعقبالكم جميع :26:
طبعا كعاداتنا نلف وندور كثير ونشوف وهنا وهناك ولازم نفل الدمام والخبر <<<<< ليش قمل ؟


طبعا انا حجزت مصورة رهيبة واتفقت معها وكل شي تمام والبنت مجربتها في الملكة
المشكلة ان في حركة حق الصور عاجبتني ( نوع من التغيير يعني )
حركة المجلة وحركة الطباعة على السيراميك والنجت على الزجاج والاكواب
سالتها عندك هذي الحركة؟؟ تقول لأ ولا تساليني عن الاسباب

طيب
رحت سالت هنا وهناك لين حصلتها في مركز ( .........)
يوم اسال المسؤولة هل هذي تتم على ايدي سيدات ؟؟ تلون الوجه وتلخبطت طبعا لانها ما توقعت احد يسال دام ان الحركة غريبة ومميزة وهذا الاهم في نظر العروسة
بس اخر شي علشان اسم المحل قالت ان هالحركة تتم داخل المركز
قلت لها طيب مع انها ما اقنعتني
شوي الا تروح المسؤولة لان عندهم مشكلة فوق وانا جالسة اطالع التصوير
بقيت تحت انا و موظفة سعودية ( الله يجزاها كل خير )
قمت اسولف معها وقلت لها اذا الشغل يتم عندكم يعني شي زين مع قلة الخبرة النسائية
بس المفاجأة انها سكتت ما علقت ولا شي ولا امدحت وكانها تقول لي المسؤولة تكذب عليك وانتي وما ابي الله يحطني في نفس الموقف في يوم لكن ما تقدر تخسر وظيفتها ( والله اعلم بظروفها )
قلت لها عندكم محل رجال ؟؟؟ قال ايييييييه

رجعت عند المصورة اللى حاجزتها وقلت لها انتي ما عندك هذي الحركة لان رجال يضبطونها صح؟؟

قالت اللى يسال ما يتوه واللى سبحانه وتعالى يحبه ينور على بصيرته

فلي حق الومها ولا ما لي حق ؟؟؟ والله ان تعاملها جدا راقي وبطيبة قلب- تحسين كانها اخت لك وواقفة وشايلة العرس على كتوفها وتريح اعصاب العروسة فعلا
ويمكن ما تبي تتكلم تخاف نقول عليها تسوي دعاية لنفسها - مع العلم ان الاثنين في الدمام
فانا محتارة ......