"فنجان قهوه" .. اشكرك حبيبتي على الرد .. والله ما قصرتي ..
وفعلا انا من يوم ما عرفت هذا الشي وانا استخير وادعي ربي انه يهديني للصالح والخير ..
وبما أن واحد من العرسان مرفوض .. والثاني الوالد موافق عليه والثالث انا موافقه عليه .. فعلا قررت ارفض الثلاثه .. وهذا نصيب ..

والوالد يا بنات جدا طيب بس المشكله انه انا مش متعوده اكلمه في مواضيع مثل هذي واستحي والله .. بس مشكلته انه اهله كلهم في نظره ملاك حتى ولو كان فيهم عيوب ..

بس الحمدلله والله يكتب الخير والصالح ان شاء الله تعالى ..

السلام عليكم...


شوفي حبيبتي ...


والله ما لك الا تكلميــــــن أبوك ...وخلّي الحيا على جنب ...


لأن اللي فهمته من كلامك ان أبوك طيب .... بس عنده شوية أفكار غلط ....

والله لو تكلميــــنه <<عاااادي صيحي وأبكي على كيفك..اذا ما تقدريـــن تمسكين نفسك >>لترتاحيــــن و تريحين أبوك .. لأنه في الأول والأخيــــر مايبي الا راحتك ...

****

ونصيحة لا تشيلين هم .. ماله داعي ...

ان شاء الله ما يصير الا اللي في بالك ...

وشكراً..

هلا حبيبتي
راح انسى مساله انه قريب لكن مساله انه مطلق من اسبوع فقط يعني لسا عدة المطلقه مانتهت وبدري بعد لان عدة المطلقه ثلاث اشهر على ماعتقد صح ؟؟

غير كذا نسمع كثير عن الي طلق زوجته وبسرعه تزوج اخرى وفجاءه نسمع انه رجع للاولى ووضع الثانيه تحت الامر الواقع ياترضى تبقى يا يطلقها :(

يعني نكتشف بالاخير انه تزوج بسرعه بعد ماطلق الي كاان مصمم عليها بس علشان يقهرها شوي ويثبت لها انه يقدر بسرعه يتزوج غيرها بسهوله وبعد مايطيح الي براسها يرجع لها ولا كن شي صار حسبي الله ونعم الوكيل على هالاشكال من الرجال طبعا :(

علشان كذا بخصوص الثاني ماقلتي لنا وش ظروفه برضو هل هو اعزب او ارمل او مطلق ولا ايش ؟؟

والله يسهل لك امورك ويكتب لك الي فيه الخير باذن الله :26:

..

.

السلام عليكم ..

اختي تغريد اشكرك الغاليه والله .. ومثل ما قلتي الوالد طيب بس شوي افكار غريبه وان شاء الله بيفهمني ..

المتغليه .. مو انا هذا اللي مخوفني ومخليني متردده كثير .. بس الوالد الله يهديه مو راضي يفهمني .. وبما ان من الاهل فهذا الشي يشفع له عند الوالد .. لكن انا يوم فكرت فيها .. ما قدرت ولا اتقبلت الفكره .. ولي كم يوم استخير والله يكتب اللي فيه الخير ..

وبالنسبه للشخص الثاني .. واحد من اهلنا وهذا اهلي كلهم رافضينا لانه عارفين عنه كل شي وانه مش مستقيم .. ما اقدر اقول شو فيه بالضبط بس اسباب الرفض كثيره ..
لكن الغريب .. هو مش غريب 100% ما فيه صلة قرابه بينا وبينهم .. لكن اهلي يعرفونهم من زمان .. ومن كلامهم الريال مافيه عيب .. بالعكس من بعد ما توفى ابوه هو اللي مسؤول عن اخوانه مع انه مش الكبير .. لكنه يتحمل مسؤوليه .. وانا هذا الشي عجبني بصراحه ..

بس الاهل والاهل والاهل .. والله يهدي الوالد قولوا آمين ..
شكلي برفض الكل ولا اني ادبس بواحد انا ما ابيه ..