وصيفه @osyfh

عضوة

شوروا علي يا حوامل شجعوني

هلا فيكم خواتي إشلونكم إن شاء الله زينين :55: أنا محتاره يابنات وخايفه ولدي الأول يبته في ثمانيه شهور والحمد لله عاش تقدمت الولاده لإسباب معروفه وانا الحين حامل في نص السادس ابغى أستشيركم متى اشتري أغراض البيبي قاعده أشوف كل يوم أشياء حلوه تينن ابي أشتريها بس خايفه يصير في الحمل حاجه ومايكمل أو أثناء الولاده يصير للبيبي شىء ويموت وبعدين أجلس أبكي على أغراضه:06:أعرف بتقولون توكل على ربك الحمد لله متوكله عليه بس خايفه كيف أشيل الخوف :( أمسك الغرض في يدي وأرجع أحطه زوجي يقول وش فيك ماعجبك أقول لا حلو بس خليها بعدين :44:مع إني أراجع الدكتور ويقول الحمد لله كل شىء زين بس مادري ليش انا خايفه وماني قادره أشتري شىء....حبيباتي الحوامل ساعدوني وشجعوني وقولولي متى شريتم أغراضكم وتنصحوني أشتري الحين والا ااخرها وأرجوكم تدعولي يابنات إن ربي يقومني بالسلامه ويقوم كل حامل ويرزق الجميع بالذريه الصالحه:44:

يلزم عليك تسجيل الدخول أولًا لكتابة تعليق.

تسجيل دخول

*المسافرة* • 22 سنة

هلا ومرحبا أختي وصيفة.. لييييييش يالغالية خايفة.. ترا مب كل حملة مثل الثانية.. واانشالله مايصير الا كل خير مثل ماقالج الدكتور والحمدلله طمنج على الحمل.. شوفي لا تخلين الخوف يسيطر عليج ترا مب في صالحج عشان مايستويلج لا سمح الله ضغط أو شي.. وألحين بعد الطب ماشالله متطور ويسوون كل اللي في ايدهم..وتصدقين كل ما أكلم وحدة وتكون في شهورها الأخيرة تقولي خايفة ليشششششششششش؟؟!! مع انهم عندهم عيال..

انتي توكلي على الله وأي شي تبينه من ألحين حاولي تاخذينه.. بس من الأحسن يوم تخلصين السابع ترى بعده فيه وقت الا اذا كان في نفسج شي شايفتنه وعاجبنج اخذيه..

والله يتمم عليج انشالله ويسهل عليج وعلى كل الحوامل ( وربيعتي بعد ).. ويرزق اللي ماعنده بالذرية الصالحة.. يااااارب..

beautygirl • 22 سنة

الأخت وصيفه
ليش كل هالتشاؤم؟؟؟ تفائلوا بالخير تجدوه
حبيبتي الأفكار هذه والوساوس تجينا دائما في الحمل والله العظيم اني افكر بالموت بس ارجع واقول اعوذ بالله من الشيطان الرجيم
تعوذي من الشيطان وابدئي جهزي اغراض البيبي مابقي شيء ويشرف بإذن الله ورح تحسين بنشوه وفرحة وانتي تجهزينهم
الله يخليه لكي ويسلمه ويصلحه ويهديه وتفرحين فيه يارب
بالنسبه لأغراض البيبي انا اشوف ناس كثير يبدون فيها من السابع أو الثامن على حسب

تحياتي:26: :24:

شجرة النارنج • 22 سنة

هلا اختى الحبيبة والله انا لما قريت موضوعك تذكرت نفسى وضحكت انا هذا اول حمل لى وكان فى البداية شبه منتهى لولا قدرة الله خلال الثلاتة الاشهر الاولى وانا ريحة جية على المستشفى نزيف وابر تتبيت والحاصل ماتوقعت اوصل بيه الى التاسع والحمد لله ...اختى لاتخافى من شى انشاء الله يمشى حالك منيح يارب وهلا انتى متقدمة باالاشهر ارتاحى لعند ماتخلصى السادس .......وانا عن نفسى قسما باالله اشتريت جميع ملابس البيبى وانا فى نصف شهرى التانى من فرحتى وبالرغم من انى كنت مهددة باالاجهاض ....ياالله توكلى على ربى واذا نفسك فى شى اشتريه ولا تترددى الله بيسخر انشاء الله

بالتوفيق

القرمزية • 22 سنة

اللهم لاتحرمهم الفرحه

:27:

وا رزقني بعدهم يا سميع يا مجيب :17:

ما شاء الله لاقوة الابالله

وصيفه • 22 سنة

الله يعافيج أختي المسافره والله فرحتيني بكلامج ووسعتي صدري والله يسمع منج :26: هلا حبيبتي beautygirl صج كلامج والله اليوم سويت مناحه في البيت أقول يمكن أموت في الولاده حتى ولدي قعد يبكي وزوجي يهديني أعوذ بالله صج وساوس شيطان ....مشكوره حبيبتي ام صمودة ياحليلج من الشهر الثاني شريتي ملابس البيبي والله ما شاء الله عليج شجعتيني لازم أسوي مثلج ... الله يخليلج عيالج إن شاء الله ....:27: الله يسعدكم والله ردودكم طمنتني وإن شاء الله أطرد هاذي الوساوس وأسيطر عليها:17: