شوروا علي يا خواتي ..شلون أتعامل مع هالانسانه؟؟

ياخواتي الحبيبات آنه المواقف المحرجه تصادفني كل يوم وما شكي لاحد لان الشكوى لغير الله مذله

بس هلانسانه مختلفهمادري شتبي مني ولاعرف شلون اتصرف معاها فقلت اسأل خواتي اللي نفس حالتي يعطوني حل جذري لهالمشكله


وما بي تقولون لي هي ماتقصد وانتي حساسه لان لو اني حساسه جان كتبت لكم معلقه من مواقفي مع باقي الناس


الموهييم يا طويلات العمر

هذي بنت خالي اكبر مني وما تزوجت والله يعلم اني ادعي لها بالزوج الصالح ويوم ملكتانا اكثر وحده فرحت لها ويوم انفصلت زعلت لها ودعيت ربي يعوضها اللي احسن منه


ومشكلتها ان هي كل ما تشوفني تقولي اكيد حاامل حلمت فيك انك حامل وانه آقولها لا

وطرش لي مسجات انتي حامل؟؟حلمانه فيكي

وتتكلم من وراي اني حامل ودايما اخش عن الناس عشان الحسد(حشا حامل 3 سنين ونص وآخش ولا آولد شنو آنه جمل)

وآنه منطشهوآتذكر الآيه "الكاظمين الغيظ"وآقول عساني منهم
لكن هالمره سوت لي موقف ووصل السيل الزبى ولحقو علي قبل لا أتصرف تصرف لايحمد عقباه :D

مطلعه علي اشاعه عند كل الناس اني اخيرا حملت وكل الناس تتصل تبارك لي:06:

تخيلوا وانا فيني الدوره:06:
مو حرام عليها وانا قلبي متقطع عالحمال:06:

ليش مافيها ذره احساس:06:


والله الناس تتصل تبارك وآنه دموعي تهل واتخيل الموقف حقيقي


بكيت من قلب حرام والله

ليش الامعان في التعذيب آنه بشر وللصبر حدود

والله اني اكتب لكم واشهق من الصياح اصعب موقف قط مر علي

والله فوق طاقتي مو قادره اتحمل

الله يصبرني:06::06:

ويربط على قلبي احس اني موقادره اتحمل بانفجر