شوروني ونوروني الله ينور دربكم بالتوفيق

السلام عليكم ورحمة الله وبركاته

حبيباتي انا عندي موضوع ومحتااااااااااره فيه وابغى رايكم وتنوروني ايش اللي احسن

انا من قبل الزواج مخططه مع زوجي انه اكمل دراستي الماستر لكن اشترطنا انه اكمل بالسعوديه عشان طبيعة
شغله مو حكومي وحيصيرله مشاكل لكن قالي اي مكان بالسعوديه تبغين تكمل يدراسه عادي
المهم بعد زواجي ربي رزقني بمولود وربي وفقني وجاني قبول ببعثة خادم الحرمين الشريفين وجاني قبول في كندا
وزوجي ماعنده مانع ووافق عشاني وعشان مايوقف بطريق حلمي لكنه مقابل كذا حيضطر انه يستقيل من عمله لانه خاص مو حكومي غير كذا لما عرف انه اول شهر مايصرفولنا شايل هم كيف يدبر فلوس اول شهر بره على الاقل لازم يدبر 20 الف كاش احتياط الين يصرفولنا فراح يضطر انه يقترض غير انه عنده قرض من قبل 40 الف حق تكاليف الزواج ولسه ادور حضانه لولدي ونفكر وش نسوي بالشقه والاغراض علما بانه ماينفع نحطها لا عند اهلي ولا عند اهله وهو شايل هم اذا رجع ومالقي شغل وش حيسوي وانا قاعده اقوله ان شالله نعوض القرض ونسدد ايجار شقتنا ونخليها ونخبيلنا فلوس من المكافئات اللي يصرفوها لنا بعدين وربي ان شالله يرزقك بعمل افضل والمشكله كمان
امي مو مرتاحه للفكره لانها متعلقه بولدي وفيني مره بالنسبه لها انا اختها وصحبتها قبل ما اصير بنتها وتصير ظروف كثير تحتاجني اكون جنبها وماهي مقتنعه بفكره اني ابعد ثلاثه الى اربع سنوات عنها وانا مره افكر كيف حاعمل في الغربه بعيده عنهم احس بيصير ضغط علي مره مسؤوليه زوجي وولدي ودراسه وغربه وخاصة انه ولدي لسه عمره سته شهور وامي تقولي كملي دراسه هنا دامه بيسحب قرض ليكي ليش الشحططه في الغربه وزوجك يحوس يدور للشغل خلاص كملي ماستر هنا بفلوسك كذا افضل منها كملتي دراسه ومنها انتي بين اهلك وحبايبك وزوجك مستقر بعمله وفي بيتكم هذا غير موضوع حافز الي طلع انه اذا سافرنا ينقطع الصرف فمره انا محتاره ساعه اشوف حل امي منطقي وساعه اقول لا البعثه فرصه ماتتفوت رغم المخاطره الكبيره اللي حاواجهها
مدري انتم وش رايكم انا ما قلتلكم الا لاني اعتبركم مثل خواتي واكيد حتقولولي الاصلح شوروني الله يسعدكم