@شورو على يابنات خايفه زوجى او وزنى؟؟؟؟؟@

حبيبتي حاسه فيج وانج تبين تسمنين

بس احذري اتسوين شيئ من ورى زوجج

لازم يكون على علم بكل شيئ

انتي بنفسج قلتي اذا كلتي الحبوب وقصرتي معاه او مع ولدج شلون بتبررين له التقصير؟

انتي اتخيلي انج اخذتي الحبوب بدون علمه ويوم من الايام اكتشفها زوجج

شنو بتكون ردة فعلج؟ وشنو بيكون كلامج له؟ الله لا يقوله احتمال تستوي مشكله كبيرة والسبب انج خذتي الحبوب بدون علمه

ع الاقل اذا خذتيهم وهو يدري وبرضاه راح يعذرج لما تقصرين معاهم شوي


والراي الاخير لج

واستخيري

والله ياقلبي أولا احمدي ربك على العافيه
انا معك حلو الوحده يصير لها ملامح انثويه صدر وتكون رويانه
بس انتي قلتي طبيعتك كذا
لكن الحبوب هذي اخاف تضرك لا سمح الله
أو تسبب لك سمنه مفرطه والله عاد تصيرين تبين النحف

من رأيي ليه ما تروحين أخصائية تغذيه وهي تعطيك علاج
من فيتامينات او فاتح شهيه

وانتي ادعي ربك واستغفري كثير
وبعدين انتي قلتي انك اذا اكلتي وغصبتي عمرك سمنتي
طيب استمري ولا توقفين وحاولي تأكلين وتنومي على طول
عشان تسمنين

ومن هنا الى ان يزيد وزنك حاولي تلبسين ملابس تسمن
الوان فاتحه , تنانير فضفاضه والبلايز الواسعه وكلها طايحين فيها
هالايام يعني بتلاقين بالسوق

الله يسمنك وينحفني لأني زدت عقب الولاده 8 كيلو

اختي انا كنت مثلج قبل الزواج و حتى بعد الزواج و الولادة.. بس للامانة وزني زاد بعد الزواج و الولادة 8 كيلو تقريبا و انا اقصر منج واايد.. يعني لو وزني مثلج كنت بينت دبه خخخخ

بس عقب ما ولدت جسمي احلو كثير بس كان يبي له شوية تضبيط و الحمدلله نزلت الزايد و احتفظت باللي ابيه.. تعرفين شلون؟؟؟ خاصة ان وزني ينزل بسررررررررررعة.. و حتى في رمضان نزل..

عموما طريقة زيادة وزني و تثبيته خذيتها من المنتدى و اظنها اسلم من الحبوب.. عبارة عن 5 اكواب حليب في اليوم مع ملعقتين كبار من السمسم المطحون و ملعقتين صغار من السكر المطحون و ملعقتين صغار عسل.. و هالوصفة مضمونة استخدمها على طووول و ما استغني عنها ابدا.. من احس وزني نزل على طول الجأ لها خخخ :) و هالكمية تخلي وزنج يزيد كيلوين كل 3 ايام.. و عن تجربة شخصية بعد..

و ازيدج من الشعر بيت.. الحين في رمضان وزني نزل و اول ما جات لي الدورة بديت هالخلطة على عدد ايام دورتي 6 ايام و الحمدلله زيدت وزني بس ما لحقت اوصل للوزن اللي ابيه لاني رجعت اصوم..

استخدميها و ما راح تندمين طبيعية و صحيه و على الاقل عارفة شنو فيها بلا حبوب بلا خرابيط..

كلي حبوب الخميره تسمن وتطلع البشره واااااااااو وما اظن انها تنوم او لها مضاعفات

وفيه حبوب زيت السمك او كبد الحوت اظن 2 حبه 3 مرات باليوم تفتح الشهيه ومجربه تزيد الوزن وايضا مفيده وما تضر لانها فيتامينات
لكن انتبهي تحملين وانت تاكلينهم لان فيهم فيتامين أ وهو يسبب تشوهات للاجنه لاقدر الله

فعلا اختى والله كلامك صدق والله اتخيلت الموقف وخفت
بس المشكله مستحيل زوجى راح يوافق انه يشتريها لي
وراح استخير اليوم ان شاء الله


الحمد والشكر لك يارب عالعافيه
وجربت الاخصائيه بس ما نفعت معايا برنامجها صعب وانا ما احب الاكل
واغصب على عمرى علشان ازيد الكيلو وفى يوم وليله اخسره :angry:ابى شى ايوقف وزنى ويثبته
وان شاء الله تنحفين واتمنى تعطينى هالثمانيه كيلو ولا محتاجتها لانى لازم اكسب 23 كيلو
صعببببببببببببببببببببببببه:icon33:



الف شكر لك حبيبتى عالوصفه من اليوم ان شاء الله راح ابتدى بيها رغم انى ما احب الحليب
بس ابيك اتقوليلى السمسم والعسل اخلطها مع الحليب والا لحاله هل اخده ايضا 5 مرات باليوم؟؟
والله محتاجه لكل كيلو وراح ارجع للحلبه :09: واخد كوبين فى اليوم



الله يعين


قيتامين أ موجود بحبوب كبد الحوت او بالخميرة؟؟؟
انا راح اجرب حبوب الخميرة لكن حبوب كبد الحوت ابد ما نفعت معى داومت عليها شهرين بدون فايدة وانا فى احتمال انى احمل من هالشهر لانى موقفه المانع وزوجى كتير مضايقنى يبينى احمل