شورو عليه يا بنات معايه حق ازعل واتضايق ولا لا ...

السلام عليكم ...... يا بنات أنا اعاني من مشكله أحس الناس يكرهوني حتى اقرب الناس ليه أهلي وأهل زوجي بدايه أنا تزوجت وعمري 19سنه يعني بعد ما خلصت الثانوي على طول بس انخطبت وأنا ثانيه ثانوي بس صراحه ما كنت افكر أتزوج بس ضغطو عليه أهلي في الزواج بحكم انو إحنا كثيرات أنا وأخواتي ولا احد فينا أتزوج إحنا خمسه وأنا الرابعة في الترتيب والله يعلم مريت بأيام صعبه للغايه من ناحيه الخوف وكذا وأنا بطبعي خجوله كنت أشوف انو صعبه أتزوج قبل أخواتي الكبار بس محد فهم عليه واتزوجت وما كملت دراستي في الجامعه بدايه ايام زواج كانت صعبه طبعا من ناحيه التعامل مع الناس كنت استحي مررره يوم كنت أروح عند أهل زوجي واجلس معاهم كنت أخجل ما اعرف أتكلم مع حريم كبار وما فيه احد من عمري اسولف معاه وتعالو شوفو عاد اكلوني بقشوري يتكلمون فيه عند زوجي يقولون لوه زوجتك فشلتنا مع الناس ما تتكلم معاهم وتستحي وخجوله صرت يوم أروح مشوار معاهم وارجع زوجي يسألني مع مين جلستي ومع مين أتكلمتي وعمتي الله يهديها بس إذا نزل زوجي عندها تقول له أن أختها أحلى منها والناس كلهم يمدحون أختها يقولون أحلى منها صار زوجي دايم يسألني عنها سبحان الله أنا كتومه مره ما اطلع اسرار بيتي لاحد حتى أي شئ يصير بيني وبين زوجي ما أتكلم فيه عند احد حتى أمي ذحين صارلي ثمنيه سنوات من يوم اتزوجت جبت ولد وتوفى وذحين عندي ثلاث بنات الله يحفظهم يارب تخيلو أهلي يتجمعون همه وحريم إخواني ويتعشو مع بعض وما أحد يقولب وما ادري عنهم أمي تقولي لا تجينا كل شويه وفي ولداتي يقولون لا تجينا خليك في بيتك حتى لو بغيت احظر مناسبه ما يمسكون بناتي ليه يقولون ما يسكتون عندنا فا اضطر ما احضر فا صرت أعاني  من كره الناس وبس هذي قصتي وسامحوني على الإطالة ولا تحرموني من ردكم على الموضوع