شورو علي

صار لي كنت خايفة منه
طبعا قلت قبل فترة بموضوع سابق ان صارت مشكلة بين زوجي واخوي ووصلت بينهم للضرب
وجات وفاة ابوي رحمة الله عليه هدت بينهم ووقف زوجي هذا الاسبوع معاهم ولغى كل اشغاله عشان وفاة ابوي
الحين اختي الله يحفظها بعد ماهدت النفوس طلعت بموال تتهم فيه زوجي انه ماحزن على ابوي وان ماهمه وانه مانزل دمعة على ابوي
زوجي من النوع المتماسك والقوي دمعته ماتنزل على طول
بس يشهد الله انه يعز ابوي معزة ويحسبه مثل ابوه
المهم اختي شاعت الخبر هنا وهنا وقدامي تقول لبنات خالتي وخالي عن زوجي
وجا اخوي الغضنفر صاحب المشاكل مع حرمته على طول مسك زوجي امس عند بيت اهلي
انا ماحضرت شي اصلا محسبهم يسولفو برا ولما طلعت لزوجي ما اشوفه الا معصب على ابني وقال ل اخوي الايام بينا والله ما ارحمك
وانواع الشتائم على الجوال بينهم
ولا صدمني اخوي يهدد زوجي ب اخوان حرمته الضباط
الحين هم قبل فترة ماسحين بكرامتك الارض عشان اختهم
تجي تهدد زوجي فيهم يادني الاطباع
وذاك ماقصر فيه سبه وسب حرمته واخوان حرمته
وانا دقيت عليه وسفلت فيه
وزوجي الحين زعلان من هالوضع
لي صار اليوم اني تهاوشت مع اختي هذي هوشة وصلت للشتائم بين بعضنا
مع العلم علاقتي مو هالكثر معاها من زمان واحنا نتهاوش مع بعض وصار بينا مواقف لو اقولها بتقولو ذولي عدوات مو اخوات والسبب ان زوجها يكره زوجي وتهاوش معاه قبل خمس سنين وهي اهم ماعندها زوجها
زوجها شغال ضابط بالجوازات وزوجي ذيك الفترة طلب منه
يتوسط له عشان عنده عمال كانو على وشك ترحيل
وذاك رغم انه يقدر الا انه رفض بلؤم وماخلى ودهور زوجي بزيادة ودخله بغرامات كبيرة وعجل له بمشكلة عماله ومن يومها صارت هالمشكلة
زوجي تجاوز عن المشكلة وذاك كبرها بدون سبب لدرجة حلف على اختي ماتزورني وذيك سمعا وطاعة تخيلو مافي اخت تزور اختها من خمس سنين
تعبت معاهم عالاقل يحترمون ابوي لي صارله اسبوع ميت
ما ادافع عن زوجي بس اقسم بالله بعمره ما اذاهم وطول عمره حظه قليل منهم وعلى طول يحشون فيه ويستنقصون فيه ويتهمونه انه بخيل ولئيم ويطلعونه كذاب وخاطئ وباقي ازواج اخواتي ملائكة
انا الحين قررت احط كرامة ل زوجي وقررت اقطع العلاقة نهائيا مع الكل عدا امي
خلاص يكفي اهانات ل ابو عيالي منهم رغم كل الخير لي يسويه معاهم