عايديها بفلوس العيد جاي

لاتقولين لها شي حطي مبلغ انتي وزوجك الي تقدرون عليه وغلفيه بتغليه حلوه وارسليه مع زوجك يعطيها
ومره انتي اذ رحتي وجيتي بتطلعين حطيه بيدها واطلعي وكل بين فتره وفتره عطيها
اهم شي لاتحددين الوقت ولا الفلوس بس اذا فيه مناسبه زيدي والله يجعلها في ميزان حسناتكم ويعطيكم حتى يرضيكم

لا تعطينها مباشر
ولا تعرف انه انتي مثلا خليه من اخوها افضل
بتتقبل منه بدون ما تتضايق
انتي ممكن تسيء الظن فيك انك شايفتها فقيره وانتي احسن منها
بس من اخوها بتتقبل اكثر
وخليه على وقت العيد والمناسبات

عطي المبلغ اخوها وهو يعطيها كانه مصروف لها منه بس لايقول منك
عشان ماتتحسس وتضايق يعني تصير عادي معك ماودي تتحزز منك وتنحجر

العطاء المباشر صعب وفيه كسرة نفس
هي تشتكي لك وتفضفض عن اللي بخاطرها لانها مرتاحه لك وحاسه انها تمون عليك
وانا متأكدة 100 % انها ماتكلمت عندك وهي متشفقه على الفلوس او محتاجتها ويمكن لو تعطينها فلوس تنصدم انك فهمتيها غلط وتنحرج وتصير تحسب مليون حساب لما تتكلم معك ..
ترى كلنا احياناً تجينا اوقات نتكلم عن اشياء ودنا نشتريها واشياء ودنا نسويها ونقول بس ماعندنا فلوس لها
لكن في الواقع الحمدلله ماننام جوعانين ولا علينا قاصر
وكل اللي نشتهيه ونتمناه حاجات ثانويه غير ضروريه يعني نتمناها من باب الرفاهيه والفله
اما اذا كانوا فعلاً اوضاعهم صعبه فمعليش اسمحي لي اقول ان ولدهم هو أولى بإنه يخصص لهم مبلغ شهري
حتى هي الاخت يفترض اخوها هو اللي يعطيها المبلغ اللي يطلع من خاطره لو انه 50 ريال ويحطه مخصوص في يدها
اتذكر خوالي زمان كانو يعطون خواتهم اللي ماتزوجو فلوس مثل مايعطون الام لانهم عارفين ابوهم متقاعد
وهذا هو العيد جاي شجعي زوجك يخصص عيديه لخواته وتقدرين انتي تشاركينه وخذيها عاده جمعي فلوس اللي بتتصدقين فيها كم شهر ثم اعطيهم كعيديه والله يكتب اجرك