شورو علي بخصوص هالعايله ابي افرحهم

السلام عليكم خواتي ..

انا بحاجة رايكم في موضوع

فيه اخت نعرفها وداعيه ومحبه للخير كانت همزة وصل بيننا وبين ايتام وامهم في منطقه صحراويه بعيده
كنا كل سنه قبل رمضان عايلتنا ومعارفنا نخصص لهم ارزاق لرمضان ومبلغ مقسوم يكون اما صدقات او زكاة ونعطيها هالداعيه توصلها لهم لان حالتهم فقررررررر مو طبيعي

كان عندهم عم ظالم ياخذ ضمانهم مايعطيهم الا 400 ريال كل شهر وهم 6 اشخاص وساكنين بايجار وحالتهم مره سيئه وامهم يمنيه ولاتقدر توقف في وجهه تقول مابي مشاكل وانحرم من بناتي خصوصا عندها بنتين مريضات بالصرع ومحتاجين رعايه وصابره ومحتسبه الله يرزقهم من فضله وعمهم مجنوووون يحسدهم حتى اللقمه الله ينتقم منه
عشان ظروفهم تطوعت هذي الداعيه تروح لهم كل 4 شهور بالمقسوم اللي يسد حاجتهم مع زوجها الله يجزاهم كل خير ولايقدر عمهم يتكلم لان زوج هالداعيه له منصب كبير وله سلطه فيخاف منه ,,

والحين هذي الداعيه سافرت للعلاج مع ولدها مريض من 5 شهور واصريت على زوجي اننا نروح لهم ونفرحهم قبل رمضان بالمقسوم ونكسب دعواتهم بالشهر الفضيل
والحمدلله جمعت لهم زاد ومبلغ بسيط ومكيف وفرش نظيف من قرايبي وباذن واحد احد ناويه اروح لهم بس فيني خووووووووف مااعرف كيف اتعامل معهم والا وش اقول وخايفه عمهم اذا شافنا يسوي لنا مشاكل
وشوي اتعوذ من ابليس واقول هذي وساويس الشيطان عشان ماافعل الخير
وكل ماامرينا بضغط مادي قبل الراتب اتذكر حالتهم ويعورني قلبي ان لهم 5 شهور ماادري اذا جاهم اللي يسد جوعهم والا لا

ابي نصيحتكم اتوكل على الله واروح وكيف نتصرف لو كلمنا عمهم والا رفض الاغراض
وكيف اخليهم يرتاحون لي ويمونون علي عشان بعدين يكون فيه تواصل بيننا اذا احتاجو شي
يعني تنصحوني اقولهم انه تجيني من قرايبي مساعدات لعموم المحتاجين والايتام
والا اقول انها لهم هم بالذات <<<< خايفه يكون فيه جرح لمشاعرهم

والله اني متخربطه مدري وش اسوي لاني تعودت ادفع الصدقات للجمعيات عن طريق الصراف بس هالمره قررت اروح بنفسي لهم