فديت قلوبكم يالغاليات وربي ردودكم هونت علي كثير
ربي يسلم قلوبكم ويعطيكم الف عافيه ويبارك لكم بازواجكم وعيالكم
تسلمين ياحمرة الورد على ردك الحلو وطريقتك اللي شكلي باذن الله بسويها
مشكورات
اختكم
هنوده
الصفحة الأخيرة
شوفي ياعمري انا حالتي تشبه حالتك .. جوزي سافر من قريب ٣ اسابيع ومن يوم ماسافر قمت على البيت تنظيف عميق واخد معايا اسبوع ونص طبعاً شغل انفرادي لأن الحلوين اليي عندي في البيت قرنبعهم اكتر من تنظيفهم ..
اول شي حطيت لي لسة متطلبات يعني اش لازم اسوي بالضبط وبصراحة ماتوقعت من نفسي اني اخلص نص اللستة انا خلصت يجي ٣ ارباعها لأني اكتشفت انه تركيب الستاير مو من فصيلتي ابداً ..ولا قدرت اتسوق واشياء نقصت علي ماقدرت اوفرها .
وتاني شي قسمت الشغل على ٣ اسابيع .لأني اتعب بسرعة وادووووووخ واشعر بغثيان من الشغل المتواصل .
تالت شي قسمت الشغل على ساعات اليوم .
رابع شي هجرت الطبيخ التقيل .. يعني اسوي شوربات معجنات سريعة المهم الأكلات اليي ماتاخد وقت ولا توسخ صحون كتير.
كان عندي شغل مررررررررة كتير تصنيف ملابس وكوي وغسيل ودوجات وحوسات عشان كدا اخترت ٣ اسابيع بس الحمد لله خلصت قبل الوقت المحدد وكنت لما الاقي وقت اخش شغله خفيفة زي ترتيب دولاب من المطبخ والا ترتيب شنطة والا رفع حاجة للمخزن ..
في الأخير اكتشفت انه الشغل مو قد مانتصوره والحمد لله قاموا الحلوين ساعدوا شوية بس والله اني متنغصة عشان ماقدرت اخلص كل اللستة وماقدرت اكمل كل النواقص ..
فيه نقطة انا اسويها اني لما اجي ارتب دولاب والا التلاجة ما افضي كللللللل شي واخرجه برة واحوس الدنيا .. بصراحة هده الحركة تكرهني في الشغل وتجيب لي الغثيان وتخليني اقوم واسيب كل شي ..اختي سوت لي هي الله يصلحها بغيت ابكي راحت نكتت لي كم شي مع بعضه بغيت انجن ..كمان تقولي لاتخرجي من البيت الخروج يراكم الشغل .. قلت لها تبغيني اندفن بالحيا !!!!!!!