شورو علي تكفون بخطبتي لابن عمي .. تم التعديل

السلام عليكم ورحمه الله وبركاته
كل عام وانتم بخير ومبارك عليكم الشهر
بقولكم قصتي باختصار انا بنت عمري 23 مخلصه جامعه وجالسه في البيت من سنتين الحمدالله على كل حال من كنت بالثانوي وانا حلمي اتزوج وافكر بالزواج كثير ما توقعت اجلس للحين من غير زواج المهم من اول ما خلصت جامعه واول ما جلست في البيت كنت اروح مع امي كل عزيمه وسهره وامي ما شاء الله عليها اجتماعيه ومحبوبه وكانت مديره مدرسه بس الحين متقاعده وماشاء الله عليها عندها خير وانا شكلي عادي يعني مافيني شي يجذب قلت يمكن الناس تخطبني علشان امي بس للاسف طول هالسنتين محد خطبني مع ان كل صديقات امي وجماعتنا يدرون اني مخلصه وجالسه في البيت تخيلو بنت عمتي لسه في السنه التحضيريه اخطبتها وحده من جماعتنا ورفضت عمتي لان بنتها يبيها ولد عمها توقعت تخطبني بعد الي صار بس للاسف ما درت عني قبل شهر خطبني ولد عمتي يشتغل في شركه وراتبه الفين وخمسميه وعنده شقه فوق اهله بس انا مو مقتنعه فيه واحسه مثل اخوي ومافيه المواصفات الي ابيها بس خايفه اذا رفضته ما يجيني احد وكل ما اتذكر السنتين الي جلستهم في البيت ومحد خطبني فيهم اخاف مابي اجلس بدون زواج اكثر وخايفه ما ارتاح معاه لاني مو مقتنعه فيه شرايكم عادي الوحده تتزوج واحد مو مقتنعه فيه علشان ما تعنس ابي رايكم بالموضوع على فكره انا استخرت والولد مافيه شي شين الحمدالله يصلي وما يدخن وبار في امه وابوه والكل يمدحه وابوي يحبه بس المشكله انه ما كان في بالي واحسه زي اخوي وانا كنت ابي واحد بعيد بس التجربه الي مريت فيها خوفتني ابي رايكم بنات ساعدوني