شورو علي تكفون وربي ضايعه

الأسرة والمجتمع

مساء الخيرررات خواتي عسكم بصحه وسلامه
راح ادخل بالموضوع علطول لاني صراح ضايعه ومنصدمه
اليوم انا معزومه وطالعه للعزيمه كلمت زوجي قال انه بينام المهم الساعه عشرونص دق علي وحسيت ان صوته ثقيل ويخربط شوي بالكلام وقال اذاوصلتي بيت اهلك دقيواذامارديت اكيد اني نايم المشكله يابنات في ثقل صوته وقلت له فيك شي قال لا قلتله كيد فيك شي وحلف انه مافيه شي بعدين ارسلت له (انت شارب شي لاتكذب علي صوتك مره ثقيل وتلخبط في الكلام وربي نكدت علي العزيمه)تخيلو شوي ويدق ويسئل عن الرساله يقولي وش هالرسايل الحلوه قلته ايه قال وتتوقعين اني شارب شي قلت صوتك ثقيل قال يالله مع السلامه وسكرت السماعه منه وشوي ويرسل
الله يسامحك ياقلبي..
انكاني شارب شي فني شارب المر
ومشكوره وماراح انس موقفك

طبعا انامرديت له ولاعبرت الرسله وارسل مره ثانيه
حلاوة الورد بريحته
موبشكله..وتدرين اني اموت في الورد بس انتي؟؟
وش يقصدبرسالته هاذي وعلى فكره طنشته ولاارسلت له ولاكلمته
حتى ماخبرته اني جيت بيت اهلي من الزعل عليه وخبرت اخوي وقالي مافي يدي شي اسويه اهم شي اذا انتي بيتك تشوفين عليه شي وانايابناتى وربي ماقدشفته سكران ووضعه موطبيعي قال يعني تتوقعين ان اغلب هالرجال مستقيمين الي يسافر فيه بلى ويروح يدور الخراب وحتى اللي مايقدر يسافر بلاه عنده وحتى اذا دقيت عليه وش اقوله اهم شي انك انتي وعيالك مادوس لكم على طرف لان اهم شي انتي وعيالك ولاهو ماعلي منه
قلت له بس ابغاك تكون بالصوره لوقعدت عند اهلي قال وشوله ماله داعي اذا كلمك تفاهمي معه وخبريه انه مايرضك الوضع وانك داريه واذا تبين تجلسي عندنا لك بدال البيت ستين بيت بس نصيحه من اخوك لاتخلين بيتك


وش رايكم يابنات وربي ضايعه ازعل عند اهلي ولا اروح البيتي واذا دق بكره وش اقوله ولامارد عليه تكفون لاتخلوني شورو علي والله اني ضايعه
29
2K

يلزم عليك تسجيل الدخول أولًا لكتابة تعليق.

تسجيل دخول

كشتي حلوة
كشتي حلوة
لاتظلمينه اذا ماشفتي عليه شي روحي له انتبهي لاتعودينه على بعدك وربي لاتندمين الرجال لاتعود يصير مايبي زوجته تقعد بالبيت واذا شفتي عليه شي واتاكدتي وقتها سوي اللي تبينه بس لاتظلمينه
شجرة طيبة
شجرة طيبة
شيئ طبيعي أن الواحد ‘إذا نام ثقل لسانه بدليل أنك ماتقدرين تردين على التلفون وأنت نايمة أو بيكون لسانك ثقيل
كلنا تحصل معنا هالأشياء
إلا لازم تنكدين حياتك
وبعدين لو فرضنا اللي تظنينه (إن بعض الظن إثم) الذب عليه هو مو أنت
وأنت في هذه اللحظة تعوذي بالله من الشيطان الرجيم لأن ماعندك دليل وهذه أول خطوة لك لهدم بيتك
@اندلسية@
@اندلسية@
ارجعي لبيتك ما فيها كلام


وراي اخوك هو الصح مدام ما جاك شيء ولا عيالك فالحمد لله
عازفة الكيبورد!!
يؤؤؤؤؤؤؤؤ نصصيحه لايلعب في راسك الشك يمكن كان منوم ؟؟..
نهاود
نهاود
لا تخلين بيتك وتخربينه الا وانتي شايفه بعينك موب بظنون يا قلبي الطلاق موب لعبه

الله يسخره لك