الله يعينك عزيزتي بصراحة صعبة أنك تعرفين أنه زوجك كان ناوي يتزوج عليك

بس الحمد لله أنها تزوجت
أنا رأيي من رأي الزميلات أنك ترجعين لبيتك وتحاولين تملين كل وقته وتحسسينه بقيمتك في كل شيء

ولا تنسي الدعاء لأنه يقرع أبواب السماء

والله يعينك ويوفقك لما يحبه ويرضاه

مشكورين علي ها النصايح الطيبة والله وبارك الله في هالمنتدي اللي فيه اعضاء شرواكم:02:
انا معاكم في الراي اني ما احاسبه علي شي فات وما اخرب بيتي بايدى
لكن المشكله انها مب اول وحدة وهذه تقريبا المرة الثالثة:06::06:ونفس الشي يكون في باله وحده لكنه يخاف انه يفقدني لاني خبرته ابموقفي اذا حصل ها الشى
اتخيلو انتو كيف الموقف يتكرر هذا الشي امخليني ما احس معاه بالستقرار وانه في
اي لحظة ممكن يتركني اذا كان اليوم متمسك فيني ما ادري باجر شو ممكن يصير وما اضمن
تمسكه فيني مع اعتراضي علي الزواج علي :11:
احس انه بين نارين يبغيني ويبغي غيري في نفس الوقت
انا الي الحين ما عندي عيال عشان جي انا ظهرت من البيت
انا احبه وعانيت منه كثير لذلك ما ارضي انه يتزوج علي ولو اني ما عانيت جان تغير موقفي
وخاصة وان الله ما رزقنا الي الحين بالعيال

اختي ليل السوالف .... انا عضوه جديدة ومتابعه قديمة لهالمنتدى.... ودي اعطيك رايي:
هو اذا زوجك عنده هالرغبه لدرجة ان هذي ثالث مره يسويها فانا انصحك تهيئين نفسك لاي وضع جديد (لاسمح الله)
انا اعرف ان الزواج عليك موب سهل وحاسه بشعورك بس اذا اهو مصر عليه تراه من حقه شرعا وانتي لابد تهونين الامر في نفسك لانه اذا كنت تحبينه ومرتاحه معه كيف تتركينه ؟ ومن يضمن لك انه في فترة غيابك ما تزداد حالته النفسيه سوء ويبحث عن اي وحدة تملاء هالفراغ العاطفي عنده؟
ارجعي لبيتك بس لا تضيعين كرامتك يعني لازم يجي ويترضاك وتحسين انه فعلا فاقدك
اما اذا كان مطنش ولاسال فيك وانتي عند اهلك فهذا ما صدق انها تجي منك ويرتاح
معليش تراني كثيرة كلام

الله يعينش حبيبتي



بس صرحة لازم تقدرين إنه فضفض لكِ


صج هالشي بضايقش ولكن عاد لاتروحين بيت اهلش لو قعدتي بالبيت وزعلتي وخاصمتيه وما تكلمينه والتعطينه وجه وتكشختي وطبختي وهتميتي في روحش بس بدون ما تقربين منه جدي راح يطالعش طول الوقت ويحس بتأنيب الضمير ((((( عنده هالقمر بالبيت ويفكر يتزوج من غير))))):24:


وبعد حبيبتي لما تتصالحون إنشاء الله سألية....::::: انت ليش فكرت تتزوج ؟؟؟ في شنو انا مقصرة ؟؟؟؟ افهمي ليش كان بيتزوج وهذا الأهم الحين !!!!!!!!!!!!!!!!!!!!!!!!!!

علشان تتداركين الموقف الى مرة ثانية!!!!!!!!!!


وتحملي في روحش حبيبتي والله يعينش:26:

أقول ارجعي لبيتك ازين لك .. ومبين من كلامك انك تحبينه واذا فعلا تحبينه اضغطي على نفسك شوي يعني حاولي تتناسين المشاعر اللي حاسه فيها الان واللي كلنا حاسين فيها وكله في سبيل انك تعيشين مع الانسان اللي تحبينه

.ترى مو كل كلمة يقولها الرجال نأخذ ملابسنا ونروح بيت أهلنا ترى الرجال يحس انك بسهولة تنسحبين او يقدر يسوي اللي في راسه بس لو تقعدين دايم قدامه مارح يتجرأ على عمل اي شي من هالقبيل .

ازعلي طقي راسك بالجدار صيحي مدي بوز ثلاث اشبار عادي بس لا تطلعين من البيييييييييييييييييت لان اذا صرتي معه حتى لو كنتي زعلانه لابد انه بيصير حوار بينكم في يوم من الايام وبترجعون تتصالحون . اما اذا كنتي بعيده وقاعده بيت اهلك ترى الشيطان يكبر المشكله بينكم و يوسوس لك ويوسوس له بأشياء ثانيه .

اتمنى من كل قلبي انكم تتفقون على شي يرضيكم اثنينكم و يريحك ويريح بالك يارب :26: :26: